ప్రెంచ్ ఓపెన్‌కు దిగ్గ‌జ ప్లేయ‌ర్ దూరం

Share Icons:
వ‌చ్చే ఏప్రిల్‌లో జ‌రిగే ఫ్రెంచ్ ఓపెన్‌ నుంచి స్విట్జ‌ర్లాండ్ దిగ్గ‌జ టెన్నిస్ ప్లేయ‌ర్ రోజ‌ర్ ఫెడ‌ర‌ర్ తప్పుకున్నాడు. తాజాగా మోకాలికి శ‌స్త్ర‌చికిత్స చేసుకున్న ఫెడెక్స్‌.. కొన్ని వారాల‌పాటు టెన్నిస్‌కు దూరం కానున్నాడు. ఈక్ర‌మంలో ఫ్రెంచ్ ఓపెన్ స‌హా ఐదారు టోర్నీల‌కు తాను అందుబాటులో ఉండ‌టం లేద‌ని తాజాగా ఫేస్‌బుక్ వేదిక‌గా ఫెడ‌ర‌ర్ తెలిపాడు. 20 గ్రాండ్‌స్లామ్‌లు సాధించి , అత్య‌ధిక సంఖ్య‌లో గ్రాండ్‌స్లామ్ నెగ్గిన ప్లేయ‌ర్ రికార్డు ఫెడెక్స్ పేరిటే ఉంద‌న్నది తెలిసిందే

Read Also:
గ‌త‌కొంత‌కాలంగా తాను కుడి మోకాలి నొప్పితో బాధ‌ప‌డుతున్నాన‌ని, దీనికి సంబంధించి వివిధ ర‌కాల మెడికేష‌న్ తీసుకున్న‌ట్లు తెలిపాడు. అయితే శ‌స్త్ర చికిత్స చేయ‌క త‌ప్ప‌ని పరిస్థితి నెల‌కొన‌డంతో, స్విట్జ‌ర్లాండ్‌లోనే తాజాగా స‌ర్జరీ చేయించుకున్న‌ట్లు వెల్ల‌డించాడు. దీంతో కొంత‌కాలంపాటు త‌ను విశ్రాంతి తీసుకోక‌త‌ప్ప‌ద‌ని తెలిపాడు.

Read Also:

స‌రైన స‌మ‌యంలో స‌ర్జరీని డాక్ట‌ర్లుచేశార‌ని, త్వ‌ర‌లోనే తాను పూర్తి స్థాయిలో కోలుకుంటాన‌ని ఫెడ‌ర‌ర్ ఆశాభావం వ్య‌క్తం చేశాడు. పున‌రావాసంతో తాను దుబాయ్ ఓపెన‌ర్ , ఇండియా వెల్స్‌, బొగోటా, మయామి, ఫ్రెంచ్ ఓపెన్ టోర్నీల‌కు దూర‌మ‌వుతున్న‌ట్లు వెల్ల‌డించాడు. ఈక్ర‌మంలో వింబుల్డ‌న్ లోపు కోలుకునే అవ‌కాశ‌మున్న‌ట్లు తెలుస్తోంది.