పాక్‌‌తో టీ20 సిరీస్‌కి దక్షిణాఫ్రికా దూరం

Share Icons:
పాకిస్థాన్‌తో మూడు టీ20ల సిరీస్‌లో ఆడేందుకు దక్షిణాఫ్రికా విముఖతని వ్యక్తం చేసింది. మార్చి 12 నుంచి భారత్‌తో మూడు వన్డేల సిరీస్‌లో తలపడనున్న దక్షిణాఫ్రికా జట్టు.. ఆ తర్వాత పాక్ గడ్డపై మూడు టీ20లు ఆడేలా తొలుత ప్లాన్ చేశారు. కానీ.. భద్రతా కారణాలతో అక్కడికి వెళ్లేందుకు సఫారీ ఆటగాళ్లు నో చెప్పగా.. బిజీ షెడ్యూల్ కారణంగా ఆ సిరీస్‌ని ఆడలేమంటూ క్రికెట్ బోర్డు‌కి దక్షిణాఫ్రికా బోర్డు స్పష్టం చేసింది. ఇటీవల శ్రీలంక, బంగ్లాదేశ్ క్రికెటర్లు అయిష్టంగానే పాక్‌ గడ్డపైకి వెళ్లి సిరీస్‌లు ఆడిన విషయం తెలిసిందే.

Read More:

వాస్తవానికి మార్చి 18న భారత్, దక్షిణాఫ్రికా మధ్య మూడు వన్డేల సిరీస్ ముగుస్తుంది. ఆ వెంటనే దక్షిణాఫ్రికాతో పాక్ సిరీస్‌ని ఏర్పాటు చేసింటే..? సఫారీలు బిజీ షెడ్యూల్ అనే సాకు చెప్పే అవకాశం దొరికేది కాదు. కానీ.. మార్చి 22 వరకూ పాకిస్థాన్ సూపర్ లీగ్ (పీఎస్‌ఎల్) జరగనుంది. కాబట్టి.. పాక్ క్రికెటర్లు ఆరోజు వరకూ బిజీ. అందుకే మార్చి 24 నుంచి 28లోపు పాక్, దక్షిణాఫ్రికా మధ్య మూడు టీ20లను నిర్వహించాలని పీసీబీ ప్లాన్ చేసింది. ఈ మేరకు భారత్‌తో సిరీస్ ఆడిన తర్వాత దక్షిణాఫ్రికా టీమ్ దుబాయ్‌లో ఉండి.. పీఎస్‌ఎల్ తర్వాత పాక్‌కి రావాలని సూచించింది.

Read More:

కానీ.. పాకిస్థాన్‌కి వెళ్లేందుకు ఇష్టపడని దక్షిణాఫ్రికా టీమ్.. ఐపీఎల్ 2020 సీజన్‌ని కారణంగా చూపుతూ సిరీస్‌కి నో చెప్పింది. మార్చి 29 నుంచి ఐపీఎల్ ప్రారంభమయ్యే సూచనలు కనిపిస్తుండగా.. భారత్, పాకిస్థాన్‌తో బ్యాక్ టు బ్యాక్ సిరీస్‌లు ఆడితే క్రికెటర్లు బాగా అలసిపోతారని దక్షిణాఫ్రికా క్రికెట్ బోర్డు చెప్పుకొచ్చింది. దీంతో.. భారత్‌తో సిరీస్ తర్వాత ఆటగాళ్లకి పూర్తిగా విశ్రాంతినివ్వాలని నిర్ణయించుకున్నట్లు దక్షిణాఫ్రికా బోర్డు స్పష్టం చేసింది.