పాకిస్థాన్‌ క్రికెట‌ర్‌కు క‌రోనా.. సెల్ఫ్ ఐసోలేష‌న్‌లో

Share Icons:
క‌రోనా వైరస్ తాజాగా మ‌రో క్రికెట‌ర్‌కు సోకింది. పాకిస్థాన్‌కుచెందిన మాజీ క్రికెటర్ తౌఫిక్ ఉమ‌ర్ క‌రోనా బారిన ప‌డ్డాన‌ని తాజాగా వెల్ల‌డించాడు. త‌న‌ నివాసంలోనే సెల్ఫ్ ఐసోలేషన్‌లో ఉంటూ ట్రీట్మెంట్ తీసు‌కుంటున్నాడ‌ని వివ‌రించాడు. ఇప్ప‌టికే ముగ్గురు క్రికెట‌ర్ల‌కు క‌రోనా సోకింది. మాజిద్ హ‌క్ (స్కాట్లాండ్‌), జాఫ‌ర్ సర్ఫ‌రాజ్ (పాకిస్థాన్‌), సోలో న‌ఖ్వేని (ద‌క్షిణాఫ్రికా) క‌రోనా బారిన ప‌డ్డ‌వారిలో ఉన్నారు. మ‌రోవైపు త‌న‌కు కాస్త అనారోగ్యం సోక‌డంతో, ప‌రీక్ష‌లు నిర్వ‌హించ‌డంతో క‌రోనాగా తేలింద‌ని ఉమర్ పేర్కొన్నాడు.

Must Read:
మ‌రోవైపు 2001లో బంగ్లాదేశ్‌ టెస్ట్ మ్యాచ్‌తో అంత‌ర్జాతీయ అరంగేట్రం చేశాడు. కొంత‌కాలం జ‌ట్టులో రెగ్యుల‌ర్‌గా ఆడిన ఉమ‌ర్‌.. ఫిట్‌నెస్ సమస్యల కార‌ణంగా టీమ్‌ నుంచి చోటు కోల్పోయాడు. 2014లో దుబాయ్ వేదికగా న్యూజిలాండ్ జరిగిన మ్యాచ్‌లో చివరిసారిగా తను ఆడాడు.

Must Read:
15 ఏళ్ల కెరీర్‌లో 44 టెస్ట్‌లు, 22 వన్డేల్లో పాక్ త‌రుపున ఉమ‌ర్ ప్రాతినిథ్యం వహించాడు. టెస్ట్‌ల్లో 7 సెంచరీలు, 14 అర్ధ సెంచ‌రీల‌తో 2963 పరుగులు సాధించాడు. వన్డేల్లో మాత్రం 504 ప‌రుగులు చేశాడు. 2016లో అంతర్జాతీయ కెరీర్‌కు వీడ్కోలు పలికాడు. అయినా ఫస్ట్ క్లాస్ క్రికెట్‌లో మాత్రం కొనసాగాడు. తన చివరి ఫస్ట్ క్లాస్ మ్యాచ్‌ను 2018 ఆడి అన్ని ఫార్మాట్లకు రిటైర్మెంట్ ప్ర‌క‌టించాడు.