నటుడు కిరణ్ కుమార్‌కు కరోనా పాజిటివ్.. ఎలాంటి లక్షణాలు లేకుండానే..!

Share Icons:
ప్రముఖ సినిమా, టీవీ నటుడు కిరణ్ కుమార్‌కు కరోనా వైరస్ పాజిటివ్ వచ్చింది. ప్రస్తుతం ఆయన హోం క్వారంటైన్‌లో ఉన్నారు. ఆయన వయసు ప్రస్తుతం 74 సంవత్సరాలు. ప్రస్తుతం ఆయన పూర్తి ఆరోగ్యంగా ఉన్నారు. ఎలాంటి వ్యాధి లక్షణాలు లేవు. ఈ విషయాన్ని కిరణ్ కుమార్ న్యూస్ ఏజెన్సీ పీటీఐతో చెప్పారు. మే 14నే కిరణ్ కుమార్‌కు కరోనా పాజిటివ్ నిర్ధారణ కాగా.. ఆయన తాజాగా ఈ విషయాన్ని బయటపెట్టారు.

Also Read:

‘‘నాకు కరోనా వ్యాధి లక్షణాలు ఏమీ లేవు. మే 14న మెడికల్ చెకప్ కోసం హాస్పిటల్‌కు వెళ్లాను. అక్కడ కోవిడ్-19 పరీక్షను తప్పనిసరి చేశారు. దీంతో నాకు కూడా టెస్ట్ చేశారు. రిజల్ట్ పాజిటివ్ వచ్చింది. కానీ, నాకు అప్పుడు నాకు ఎలాంటి లక్షణాలు లేవు. జర్వం కానీ, దగ్గు కానీ ఏమీ లేవు. దీంతో నేను ఇంట్లోనే స్వయం నిర్బంధంలోకి వెళ్లాను. అప్పటి నుంచి నా ఫ్యామిలీ రెండో అంతస్తులో ఉంటోంది. నేను మూడో అంతస్తులో ఉంటున్నాను. మే 26 లేదంటే మే 27న నేను రెండోసారి కోవిడ్-19 టెస్ట్ చేయించుకుంటాను. ప్రస్తుతానికి అయితే నేను పూర్తి ఆరోగ్యంతో ఉన్నాను’’ అని కిరణ్ కుమార్ వెల్లడించారు. కాగా, కిరణ్ కుమార్ ‘ధడ్కన్’, ‘ముజ్‌సే దోస్తి కరోగి’ తదితర చిత్రాల్లో నటించారు.

Also Read:

ఇదిలా ఉంటే, మహారాష్ట్రలో కరోనా కేసులు 50వేల మార్క్‌ను దాటాయి. ఆదివారం సాయంత్రానికి మహారాష్ట్రలో కేసుల సంఖ్య 50,231కు చేరింది. ఒక్క రోజులో కొత్తగా 3,041 కేసులు నమోదయ్యాయి. మరణాల సంఖ్య 1577. మహారాష్ట్రలో కరోనా తీవ్ర స్థాయిలో విజృంభిస్తుండటంతో అక్కడ హాస్పిటల్‌కు వచ్చే ప్రతి ఒక్కరికీ కోవిడ్-19 టెస్ట్ తప్పనిసరి చేశారు. దీనిలో భాగంగానే కిరణ్ కుమార్‌కు టెస్ట్ చేశారు.