ధోనీ స్లెడ్జింగ్ చేయడం చూశారా..! పంచ్ అదుర్స్‌

Share Icons:
భారత మాజీ కెప్టెన్ మహేంద్ర సింగ్ ధోనీని అందరూ మిస్టర్ కూల్‌గా అభివ‌ర్ణిస్తున్న సంగ‌తి తెలిసిందే. ప్ర‌త్య‌ర్థుల ఎత్తుల‌కు పైఎత్తులు ఆలోచిస్తూ, భావోద్వేగాల‌ను నియంత్రించుకుంటూ ఆట‌తీరు కొన‌సాగిస్తాడ‌న్న సంగ‌తి తెలిసిందే. ఇక చేయ‌డం దాదాపు అరుదుగానే జ‌రుగుతుంది. 2006లో సౌతాఫ్రికాతో జ‌రిగిన టెస్టు సిరీస్‌లో ధోనీ స్లెడ్జింగ్ చేస్తున్న వీడియో సోష‌ల్ మీడియాలో వైర‌ల్‌గా మారింది. జొహ‌న్నెస్‌బ‌ర్గ్‌లో జ‌రిగిన మ్యాచ్‌లో భార‌త్ విజ‌యం సాధించింది. ఈ మ్యాచ్‌లో ప్రొటీస్ ప్లేయ‌ర్ల‌ను ధోనీ క‌వ్వించ‌డం క‌న్పించింది. స్టంప్‌లో ఉన్న మైక్రో ఫోన్‌లో అతను అన్న మాటలు విన్పించాయి.

Must Read:

ఆ మ్యాచ్‌లో ద‌క్షిణాఫ్రికా టెయిలెండ‌ర్ల‌ను ఉద్దేశించి ధోనీ స్లెడ్జింగ్ చేశాడు. క‌మాన్ బాయ్స్‌.. లెట్స్ బ్రింగ్ డౌన్ ఈఫీల్ ట‌వ‌ర్ డౌన్ అంటూ వ్యంగ్యంగా ప్రొటీస్ ఆట‌గాళ్ల‌ను ధోనీ ఆట‌ప‌ట్టించాడు. ఈ మ్యాచ్‌లో తొలి ఇన్నింగ్స్‌లో సౌతాఫ్రికా 84 ప‌రుగుల‌కే ఆలౌట్ అయింది. త‌మ‌కు ల‌భించిన భారీ తొలి ఇన్నింగ్స్ ఆధిక్యాన్ని స‌ద్వినియోగం చేసుకున్న భార‌త్ ఆ మ్యాచ్‌ను 123 పరుగుల తేడాతో గెలుపొందింది.

Must Read:
సౌతాఫ్రికా గ‌డ్డ‌పై భార‌త్ సాధించిన తొలి టెస్టు విజ‌యం అదే కావ‌డం విశేషం. ఈ మ్యాచ్‌లో భార‌త్‌కు రాహుల్ ద్ర‌విడ్‌.. ప్రొటీస్‌కు గ్రేమ్ స్మిత్ కెప్టెన్లుగా వ్య‌వ‌హ‌రించారు. అయితే మూడు మ్యాచ్‌ల ఈ సిరీస్‌లో తొలి మ్యాచ్ నెగ్గిన భారత్‌.. మిగ‌తా రెండు మ్యాచ్‌లు ఓడిపోయింది. దీంతో సిరీస్‌ను 1-2తో టీమిండియా కోల్పోయింది.