ధోనీ రీఎంట్రీకి పాక్ కూడా వెయిటింగ్..!

Share Icons:
టీమిండియా మాజీ కెప్టెన్ మహేంద్రసింగ్ ధోనీ రీఎంట్రీ కోసం భారత్ అభిమానులే కాదు.. పాకిస్థాన్ ఫ్యాన్స్ కూడా ఆత్రుతగా ఎదురుచూస్తున్నట్లు తాజాగా స్పష్టమైంది. ఐపీఎల్ తరహాలో పాక్ గడ్డపై జరుగుతున్న పాకిస్థాన్ సూపర్ లీగ్‌లో ఓ మ్యాచ్‌ని వీక్షించేందుకు స్టేడియానికి వెళ్లిన అభిమాని జెర్సీ చూసి అందరూ ఆశ్చర్యపోయారు.

పాకిస్థాన్ జాతీయ జట్టు జెర్సీ ధరించిన సదరు అభిమాని.. జెర్సీ వెనుక ధోనీ పేరు, జెర్సీ నెం.7ని ముద్రించుకున్నాడు. దీంతో.. స్టేడియంలో అతను ప్రత్యేక ఆకర్షణగా నిలవగా.. సోషల్ మీడియాలో అతను పోస్ట్ చేసిన ఫొటో‌కి అనూహ్యమైన స్పందన లభిస్తోంది. వాస్తవానికి ఆ పాకిస్థాన్ అభిమాని.. పీఎస్‌ఎల్‌లో ఆడుతున్న ఇస్లామాబాద్ యునైటెడ్ టీమ్‌కి మద్దతు తెలిపేందుకు వచ్చాడు. కానీ.. ధోనీ పేరు, నెంబరు ఉన్న జెర్సీ ధరించి.. భారత మాజీ కెప్టెన్‌పై అభిమానాన్ని చాటాడు.

2019 వన్డే ప్రపంచకప్ తర్వాత క్రికెట్‌కి దూరంగా ఉంటున్న ధోనీ.. ఐపీఎల్ 2020 సీజన్‌తో రీఎంట్రీ ఇవ్వనున్నాడు. ఈ మేరకు ఇప్పటికే చెన్నై చేరుకున్న ధోనీ.. చెపాక్ స్టేడియంలో సహచరులతో కలిసి ప్రాక్టీస్ చేస్తున్నాడు. పాకిస్థాన్‌‌తో వైజాగ్‌ వేదికగా జరిగిన వన్డే మ్యాచ్‌లో భారీ శతకం బాది వెలుగులోకి వచ్చిన ధోనీ.. దాయాది దేశంపై చిరస్మరణీయమైన ఇన్నింగ్స్‌లు ఆడాడు. దీంతో.. అప్పటి పాక్ అధ్యక్షుడు ముషారఫ్ సైతం ధోనీపై ప్రశంసలు కురిపించిన విషయం తెలిసిందే.