ధోనీ కాదు రాహుల్.. అందుకే రోహిత్ ఇలా

Share Icons:
ఆస్ట్రేలియాతో రాజ్‌కోట్ వేదికగా జరుగుతున్న రెండో వన్డేలో రోహిత్ శర్మ తన ఫన్నీ రియాక్షన్స్‌తో అభిమానులకి నవ్వు తెప్పిస్తున్నాడు. మ్యాచ్‌లో తొలుత బ్యాటింగ్ చేసిన భారత్ జట్టు 6 వికెట్ల నష్టానికి 340 పరుగులు చేయగా.. లక్ష్య ఛేదనకు దిగిన ఆస్ట్రేలియా ఆరంభంలోనే ఓపెనర్ డేవిడ్ వార్నర్ (15: 12 బంతుల్లో 2×4) వికెట్ చేజార్చుకుంది. అయితే.. వార్నర్ బ్యాటింగ్ సమయంలో స్లిప్‌లో ఫీల్డింగ్ చేసిన రోహిత్ శర్మ.. కొత్త వికెట్ కీపర్ కేఎల్ రాహుల్‌పై నమ్మకం ఉంచలేకపోయాడు.

Read Also :
ఇన్నింగ్స్ 3వ ఓవర్ వేసిన జస్‌ప్రీత్ బుమ్రా 140కిమీ వేగంతో షార్ట్ పిచ్ రూపంలో బంతిని సంధించాడు. దీంతో.. తొలుత ఆ బంతిని ఆడేందుకు ప్రయత్నించిన వార్నర్.. ఆ తర్వాత అనూహ్యంగా వెనక్కి తగ్గాడు. ఆఫ్ స్టంప్‌కి వెలుపలగా వెళ్లిన బంతిని వికెట్ కీపర్ పక్కకి వంగుతూ అందుకున్నాడు. కానీ.. ఆ బంతి ఎక్కడ రాహుల్ గ్లోవ్స్‌ నుంచి బౌన్స్ అయ్యి తనని తాకుతుందోనని రోహిత్ శర్మ తెగ కంగారుపడిపోయాడు.

Read Also :
వాస్తవానికి కేఎల్ రాహుల్ కూడా ప్రొఫెషనల్ వికెట్ కీపరే. కానీ.. అంతర్జాతీయ క్రికెట్‌ మ్యాచ్‌ల్లో మాత్రం అతను కీపింగ్ చేసింది చాలా తక్కువ. దేశవాళీ క్రికెట్‌లో కర్నాటక టీమ్‌కి వికెట్ కీపర్‌గా పనిచేసిన రాహుల్.. ఐపీఎల్‌లో రాయల్ ఛాలెంజర్స్ బెంగళూరు, కింగ్స్ ఎలెవన్ పంజాబ్ జట్లకి కొన్ని మ్యాచ్‌ల్లో కీపర్‌గా బాధ్యతలు నిర్వర్తించాడు. వాంఖడే వన్డేలో రిషబ్ పంత్ గాయపడటంతో.. ఆ మ్యాచ్‌లో కీపర్‌గా ఫర్వాలేదనిపించిన రాహుల్‌ని ఈ వన్డేకి కూడా టీమిండియా కొనసాగిస్తోంది.