దొంగ‌గా మారిన ఐపీఎల్ మాజీ క్రికెట‌ర్‌

Share Icons:
ప్ర‌పంచంలోనే అత్యంత ఖ‌రీదైన ఐపీఎల్‌లో ఆడాడు. ఒక‌టి కాదు రెండు కాదు ఏకంగా నాలుగేళ్ల‌పాటు మెగాటోర్నీలో ప్రాతినిథ్యం వ‌హించాడు. అలాగే ఐపీఎల్‌కు త‌ర్వాతి స్థాయి లీగ్ అయిన బిగ్ బాష్ లీగ్‌లోనూ ఆడాడు. అయితే చెడు వ్య‌స‌నాల‌కు లోనై తన కెరీర్‌ను చేతులారా నాశనం చేసుకున్న ప్లేయర్‌గా ఆస్ట్రేలియా మాజీ క్రికెట‌ర్ ల్యూక్ పోమర్స్‌బ్యాచ్ చెడ్డ పేరు తెచ్చుకున్నాడు. తాజాగా దొంగ‌త‌నం కేసులో త‌న‌ను పోలీసులు అరెస్టు చేశారు. త్వ‌ర‌లోనే కోర్టులో అతనిపై కేసు విచార‌ణ‌కు రానుంది. ఒక‌ప్పుడు ఐపీఎల్లో ల‌క్ష‌ల డాల‌ర్ల ధ‌ర ప‌లికిన ల్యూక్‌.. తాజా ప‌త‌నం అత‌ని స్వ‌యం కృతాప‌రాధ‌మ‌న‌డంలో ఎలాంటి సందేహం లేదు.

Read Also:
ఒకప్పుడు తారాజువ్వలాగా ల్యూక్ క్రికెట్ కెరీర్ ఎగిసింది. 2007లో ఆస్ట్రేలియా త‌ర‌పున పోమర్స్‌బ్యాచ్‌ ఏకైక టీ20లో ప్రాతినిధ్యం వ‌హించాడు. న్యూజిలాండ్‌తో జ‌రిగిన ఈ మ్యాచ్‌లో 7 బంతుల్లోనే 15 ప‌రుగులు చేశాడు. దీంతో త‌ర్వాతి ఏడాది జ‌రిగిన ఐపీఎల్లో సెల‌క్ట‌య్యాడు. 3 ల‌క్ష‌ల డాల‌ర్ల ధ‌ర‌కు జ‌ట్టు కింగ్స్ లెవ‌న్ పంజాబ్ అత‌నిని కొనుగోలు చేసింది. అయితే అంత‌టితో క‌థ సుఖాంతమ‌వ్వ‌లేదు. 2011 వ‌ర‌కు బాగానే బండి లాగించిన ల్యూక్‌.. ఐపీఎల్లో ఆడుతుండ‌గానే ఒక అమెరిక‌న్ యువ‌తిని వేధించాడు. అనంత‌రం అరెస్టు కావ‌డంతో ఐపీఎల్ నుంచి త‌న‌ను తొల‌గించారు. 2014లో ఆట నుంచి త‌ను వైదొలిగాడు.

Read Also:

ఇక అప్ప‌టి నుంచి పోమ‌ర్స్‌బ్యాచ్‌ ప‌త‌నం వేగంగా సాగింది. ఒక సారి బైకు దొంగ‌త‌నం చేసి క‌ట‌క‌టాల‌పాల‌య్యాడు. ఫుల్లుగా మద్యం సేవించి, డ్రంక్ డ్రైవ్ చేసి పోలీసులకు దొరికిపోయాడు.
మ‌రోసారి లిక్క‌ర్ షాప్ నుంచి మ‌ద్యం దొంగిలించి అరెస్ట‌య్యాడు. ఈక్ర‌మంలో క‌నీసం ఉండ‌టానికి ఇల్లు కూడా లేని స్థితిలో ఒక కారులో త‌ల దాచుకున్నాడు. తాజాగా దొంగ‌త‌నంలో మ‌రోసారి ల్యూక్ అరెస్ట‌య్యాడు. బిగ్‌బాష్‌లీగ్‌లో కూడా ప్రాతినిథ్యం వ‌హించిన ల్యూక్ గురించిన తెలిసిన అభిమానులు షాక్‌కు గుర‌య్యారు. ఒక వ్య‌క్తిలో నైతిక విలువలు దిగ‌జారితే ఎంత‌గా ప‌త‌న‌మ‌వుతాడో దానికి ప్ర‌త్య‌క్ష ఉదాహ‌ర‌ణ పోమ్స్‌బ్యాచ్ అని పేర్కొంటున్నారు.