తొలిటెస్టు వేదిక‌తో ర‌విశాస్త్రికి ప్ర‌త్యేక అనుబంధం

Share Icons:
భార‌త్, న్యూజిలాండ్ జ‌ట్ల మ‌ధ్య శుక్ర‌వారం తొలి టెస్టు జ‌రుగ‌నుంది. ఈ మ్యాచ్ వేదిక వెల్లింగ్ట‌న్‌లోని బేసిన్ రిజ‌ర్వ్‌. ఈ మైదానంతో భార‌త ప్ర‌ధాన కోచ్ ర‌విశాస్త్రికి ప్ర‌త్యేక అనుబంధముంది. త‌న కెరీర్‌ను శాస్త్రి ఇక్క‌డే ప్రారంభించ‌డం విశేషం. 39 ఏళ్ల కింద‌ట శాస్త్రి ..న్యూజిలాండ్‌తో టెస్టు మ్యాచ్ ఆడాన‌ని చెప్పుకొచ్చాడు. 1981లో ఈ మైదానంలోనే త‌న అరంగేట్రం జ‌రిగింద‌ని పేర్కొన్నాడు. తొలి టెస్టు కోసం తాజాగా ఈ మైదానానికి వ‌చ్చిన శాస్త్రిని భార‌త క్రికెట‌ర్ చ‌టేశ్వ‌ర్ పుజారా ఇంట‌ర్వ్యూ చేశాడు. ఈ సంద‌ర్బంగా శాస్త్రి గ‌త జ్ఞాప‌కాల‌ను నెమ‌రేసుకున్నాడు.

Read Also:
1981లో త‌న తొలి టెస్టు మ్యాచ్ ముందురోజు రాత్రి 9.30 గంట‌ల‌కు న్యూజిలాండ్‌కు చేరుకున్నాన‌ని, త‌న‌ను ఏయిర్‌పోర్టులో క్రికెట‌ర్ బాపు నాద‌క‌ర్ణి రిసీవ్ చేసుకున్నార‌ని శాస్త్రి గుర్తుచేసుకున్నాడు. అనంత‌రం అక్క‌డి నుంచి నేరుగా హోటల్‌కు వెళ్లామ‌ని, భార‌త హై కమిష‌న్ విందుకు హాజ‌రుకావ‌డంతో మిగ‌తా ఆట‌గాళ్లెవ‌రు హోట‌ల్లో లేరని తెలిపాడు. ఇక త‌ర్వాతి రోజు టాస్ ఓడి ఫీల్డింగ్‌కు దిగామ‌ని, త‌న తొలి ఓవ‌ర్‌ను చాలా నెర్వ‌స్‌గా బౌల్ చేశాన‌ని శాస్త్రి తెలిపాడు.

Read Also:
అయితే ఈ మ్యాచ్‌లో క‌ట్టుదిట్టంగా బౌలింగ్ చేయ‌డంలో తాను స‌ఫ‌ల‌మ‌య్యాన‌ని శాస్త్రి అన్నాడు. జెరెమీ కోనీ రూపంలో త‌న‌కు తొలి వికెట్ ల‌భించింద‌ని తెలిపాడు. మొత్తంమీద ఆ మ్యాచ్‌లో శాస్త్రి ఆరు వికెట్ల‌తో రాణించాడు. అయిన‌ప్ప‌టికీ భార‌త్.. 62 ప‌రుగుల‌తో ప‌రాజ‌యం పాలైంది.