డెడికేషన్ ఉండాలి.. జూనియర్ ఎన్టీఆర్ పొలిటికల్ ఎంట్రీపై బాలకృష్ణ

Share Icons:
నందమూరి నట వారసుడు, యంగ్ టైగర్ పూర్తిస్థాయిలో రాజకీయాల్లోకి వస్తే తెలుగుదేశం పార్టీకి మళ్లీ పూర్వ వైభవం వస్తుందని చాలా మంది అభిమానుల మాట. ఎన్టీఆర్ రాజకీయాల్లోకి వచ్చి తెలుగుదేశం పార్టీ పగ్గాలు పుచ్చుకోవాలని ఎంతో మంది అభిమానుల కోరిక. తన పొలిటికల్ ఎంట్రీపై ఇప్పటి వరకు ఎన్టీఆర్ బయట మాట్లాడలేదు. పార్టీకి తన సపోర్ట్ ఉంటుందని మాత్రమే చెప్పారు. అయితే, ఈ విషయంపై నందమూరి తాజాగా ఓ ఇంటర్వ్యూలో మాట్లాడారు. జూనియర్ ఎన్టీఆర్ పూర్తిస్థాయి రాజకీయాల్లోకి వస్తే టీడీపీకి పూర్వ వైభవం వస్తుందా? అనే విషయంపై స్పందించారు.

Also Read:

‘‘ఎవరి డెడికేషన్ బట్టి ఉంటుంది. పూర్తిస్థాయి రాజకీయాలు అంటున్నారు.. నిజానికి సినిమా యాక్టర్‌గా ఎన్టీఆర్‌కు చాలా భవిష్యత్తు ఉంది. కాబట్టి వాడి ఇష్టం. ప్రొఫెషన్ వదులుకొని రమ్మని అడగం కదా. ఇప్పుడు నేను ఉన్నాను.. ఎమ్మెల్యేగా ఉన్నాను, సినిమాల్లో కూడా యాక్ట్ చేస్తున్నాను. నాన్నగారు అప్పుడు సీఎంగా ఉన్నప్పుడు కూడా సినిమాల్లో యాక్ట్ చేశారు. ‘బ్రహ్మర్షి విశ్వామిత్ర’ సినిమా చేశారు. కాబట్టి, అది వాళ్ల వాళ్ల నిర్ణయాన్ని బట్టి ఉంటుంది’’ అని బాలకృష్ణ చెప్పారు.

Also Read:

అలాగే బాబాయ్ బాలయ్య, తమ్ముడు ఎన్టీఆర్‌తో కళ్యాణ్ రామ్ ఒక మల్టీస్టారర్ ప్లాన్ చేస్తున్నారని ఈ మధ్య వార్తలు వచ్చాయి. వీటిపై కూడా బాలయ్య స్పందించారు. ‘‘మంచి కథ దొరికితే తప్పకుండా చేస్తాం. నేనెప్పుడూ కథకు ప్రాధాన్యత ఇస్తాను. ఎందుకంటే నా దగ్గర అనుభవం ఉంది. నాన్నగారు, నాగేశ్వరరావు గారు చేశారు. వాటిలో కొన్ని చెత్త సినిమాలు ఉన్నాయి. అటువంటివి నేను చేయను. నాకు ‘షోలే’ అంత బ్రహ్మాండంగా, భారీగా ఉండాలి. నేను ఇద్దరు ముగ్గురు హీరోలకు మల్టీస్టారర్ చేద్దామని చెప్పాను. వాళ్ల దగ్గర నుంచి సమాధానం రానప్పుడు మాట్లాడటం కూడా మానేస్తాను. అలాంటి వాళ్లతో నేను మాట్లాడను, వారిని గౌరవించను’’ అని బాలయ్య చెప్పుకొచ్చారు.