టీమిండియాలో చోటుకు ఓపెనర్ కొత్త ఎత్తులు (వీడియో)

Share Icons:
భారత యువ ఓపెనర్ తిరిగి టీమిండియాలో చోటు కోసం తీవ్రంగా సాధన చేస్తున్నాడు. ఇటీవల రంజీ మ్యాచ్‌లో భుజం గాయానికి గురైన షా.. గాయం నుంచి కోలుకున్నట్లు తెలుస్తోంది. తన ప్రాక్టీస్ వీడియోను ట్విట్టర్‌లో పెట్టిన షా.. రాబోయే న్యూజిలాండ్ టూర్‌లో తనను పరిగణలోకి తీసుకోవాలని సెలెక్టర్లకు సంకేతాలు పంపినట్లు విశ్లేషకులు పేర్కొంటున్నారు.

Read Also :
ట్విట్టర్‌లో పృథ్వీ షా పోస్టు చేసిన వీడియోలో తను చాలా సౌకర్యవంతంగా కన్పించాడు. అలవోకగా ఫ్లిక్, కట్, డ్రైవ్‌లు ఆడుతూ ఉల్లాసంగా కన్పించాడు. అలాగే పోస్టుకు ఒక కామెంట్‌ను జతచేశాడు. తను బంతిని కొడుతుంటే బ్యాట్‌ నుంచి అద్భుతమైన శబ్ధం వస్తోందని, అది తనకెంతో ఇష్టమని పేర్కొన్నాడు. ప్రస్తుతం నెట్ ప్రాక్టీస్ సూపర్బ్‌గా సాగుతోందని తెలిపాడు.

Read Also :
నిజానికి టెస్టుల్లో ఓపెనర్‌గా పృథ్వీ షా ఇప్పటివరకు కుదురుకుని ఉండాల్సింది. అయితే గతేడాది ఆస్ట్రేలియా టూర్‌కు వెళ్లిన తర్వాత నుంచి అతనికి ఏదీ కలిసి రాలేదు. అక్కడ ప్రాక్టీస్ మ్యాచ్‌లో గాయపడి స్వదేశానికి తిరిగొచ్చాడు. షా స్థానంలో బరిలోకి దిగిన మయాంక్ అగర్వాల్ టీమ్‌లో పాతుకుపోయాడు. మరోవైపు డోపింగ్ పరీక్షలో విఫలమవడం కూడా షాను ఇబ్బంది పెట్టింది. ఇందుకుగాను ఎనిమిదినెలలపాటు నిషేధాన్ని ఎదుర్కొన్నాడు. తాజాగా నిషేధం పూర్తి చేసుకున్న అతను రంజీల్లో బరిలోకి దిగగా.. అక్కడ భుజానికి గాయమైంది. ఈ నేపథ్యంలో న్యూజిలాండ్‌లో ఆడాల్సిన మూడ్రోజుల ప్రాక్టీస్ మ్యాచ్‌ నుంచి కూడా వైదొలగాల్సి వచ్చింది. ప్రస్తుతం కివీస్ టూర్‌‌కు భారత టీ20 జట్టును ప్రకటించారు. అయితే వచ్చేనెల 21 నుంచి తొలి టెస్టు ప్రారంభమవుతుండగా.. దాని కోసం తనను పరిగణలోకి తీసుకోవాలని సెలెక్టర్లకు షా సంకేతాలు పంపినట్లు నిపుణులు అభిప్రాయపడుతున్నారు.

Read Also :