‘గోదావరి’ పిల్లకు కరోనా దెబ్బ.. తిండిలేక విలవిల

Share Icons:
ఆ దేశం ఈదేశం అని కాదు.. ఏదేశాన్ని చూసి ఏకిపారేస్తోంది భయంకర వైరస్ కరోనా. ఎటు చూసినా ఆకలి కేకలు, ఆర్థనాదాలే వినిపిస్తున్నాయి. జనం అంతా ప్రాణాలను గుప్పెట్లో పెట్టుకుని భయం భయంతో బతుకు సాగిస్తున్నారు. సాధారణ ప్రజలే కాదు.. సెలబ్రిటీలు సైతం నానా ఇబ్బందులు పడుతున్నారు.. లక్షల్లో రెమ్యునరేషన్ తీసుకుంటూ లగ్జరీ లైఫ్‌ని ఎంజాయ్ చేసిన వాళ్లు కూడా కరోనా విజృంభనకు ఆకలితో విలవిల్లాడుతున్నారు. చేతిలో డబ్బులు ఉన్నా అది తమ ఆకలి తీర్చలేకపోయిందంటుంది హీరోయిన్ నీతూ చంద్ర. ‘గోదావరి’ చిత్రంతో తెలుగు ఇంటి అమ్మాయిగా ప్రేక్షుకుల్ని అలరించిన అమెరికాలో తింటికోసం పడిని ఇబ్బందుల్ని షేర్ చేసుకున్నారు.

తెలుగు, తమిళ్, హిందీ, బోజ్‌పురి, గ్రీకు భాషల్లో పాతికకు పైగా సినిమాలు చేసిన నీతూ చంద్ర‌.. ఒక్క బాలీవుడ్‌లోనే 11‌కి పైగా సినిమాలు చేసింది. తెలుగులో మంచు విష్ణు అరంగేట్రం మూవీ ‘విష్ణు’ లో హీరో ఫ్రెండ్ క్యారెక్టర్ చేసిన నీతూ చంద్ర.. గోదావరి, సత్యమేవజయతే, మనం సినిమాలతో పాపులర్ అయ్యింది. అయితే ఆమె కెరియర్‌లో గోదావరి చిత్రం మైల్ స్టోన్‌గా నిలిచింది. ఈ చిత్రమే ఆమెకు ఐడెండిటీ తీసుకువచ్చింది.

దాదాపు ఎనిమిదేళ్లుగా ఇండస్ట్రీలో ఉన్నప్పటికీ తెలుగులో ఈమెకు పెద్దగా అవకాశాలు రాలేదు. సత్యమేవజయతే చిత్రం తరువాత బాలీవుడ్‌పై ఫోకస్ పెట్టి ఇటీవలే కొన్ని ప్రాజెక్ట్‌లను దక్కించుకుంది. సుమారు మూడేళ్ల తరువాత రాకరాకవచ్చిన అవకాశంతో.. షూటింగ్ కోసం అమెరికాలోని కాలిఫోర్నియా వెళ్లగా.. అక్కడ కరోనా ప్రభావంతో షూటింగ్ నిలిపివేశారట. దీంతో అక్కడే లాక్ అయిపోవడంతో వసతి, తిండికి నానా ఇబ్బందులు పడిందట నీతూ.

కనీసం తిండి కూడా సరిగా పెట్టలేదని.. రెస్టారెంట్లు పూర్తిగా మూసి వేయడంతో బయటకు వెళ్లి తినే పరిస్థితి లేక వాళ్లు పెట్టినంతే తినాల్సి వచ్చిందని వాపోయింది. కొన్నిసార్లు తమ వరకూ వచ్చేసరికి ఫుడ్ ఉండేది కాదని.. ఆరోజు ఆకలితో పస్తులుండాల్సి వచ్చిందని ఆకలి కేకలను వివరించింది నీతూ చంద్ర. ఎలాగోలా అతికష్టం మీది ఇండియాకి చేరుకుంటే ఇక్కడ మమ్మల్ని రోగులుగా చూస్తున్నారని తన బాధల్ని చెప్పుకొచ్చింది నీతూ.