గుడ్‌న్యూస్: తెలంగాణలో ఒక్కో ఫ్యామిలీకి రూ.1500.. చెక్ చేస్కోండి!

Share Icons:
కరోనా ఎఫెక్ట్, లాక్‌డౌన్ దెబ్బకు పేదలకు ఉపాధి ఆగిపోయింది. రోజువారి కూలి పనులకు వెళ్లేవారికి కష్టాలు ఎదురయ్యే పరిస్థితి ఉంది. అందుకే ప్రతి కుటుంబానికి రూ.1500 ఇవ్వాలని నిర్ణయం తీసుకున్న సంగతి తెలిసిందే. తెల్ల రేషన్ కార్డు ఉన్న ప్రతి కుటుంబానికి రూ.1500 అందించనున్నారు. మంగళవారం ఈ డబ్బు అర్హుల అకౌంట్లలో జమకానున్నాయి.. ఈ విషయాన్ని మంత్రి కేటీఆర్ ట్విట్టర్ ద్వారా తెలియజేశారు. తెలంగాణవ్యాప్తంగా 74లక్షలకుపైగా అకౌంట్లలో డబ్బు జమ అవుతుందని మంత్రి తెలిపారు. మొత్తం రూ.1,112 కోట్లను ప్రభుత్వం బ్యాంకులకు బదిలీ చేసినట్లు చెప్పారు.

Read Also:

ఈ నగదు బదిలీ ప్రక్రియ సోమవారం ప్రారంభమైంది.. ప్రభుత్వం ఈ నిధులు స్టేట్‌ బ్యాంక్‌ ఆఫ్‌ ఇండియా ఖాతాలో జమ చేసింది. అక్కడి నుంచి ఎన్‌పీసీఐ (నేషనల్‌ పేమెంట్‌ కార్పొరేషన్‌ ఆఫ్‌ ఇండియా) ఆధార్‌ పేమెంట్‌ బ్రిడ్జ్‌ సిస్టమ్‌ ద్వారా లబ్ధిదారుల ఖాతాల్లోకి జమ చేస్తున్నారు. అయితే మంగళవారం అంబేద్కర్‌ జయంతి కావడంతో బ్యాంకులకు సెలవు.. బుధవారం నుంచి చెల్లింపులు చేయనున్నారు. ఒకవేళ ఆ బ్యాంక్ అకౌంట్లకు ఏటీఎం కార్డులు ఉన్నవారు మాత్రం మెసేజ్‌ వచ్చిన వెంటనే డబ్బులు తీసుకోవచ్చు.

Also Read:

కరోనా విపత్తు కింద రాష్ట్రంలోని తెల్లరేషన్‌ కార్డుదారులకు ఒక్కో కార్డుపై రూ.1500 చొప్పున నగదు పంపిణీ చేస్తామని సీఎం ప్రకటించిన సంగతి తెలిసిందే. తెల్ల రేషన్ కార్డు వివరాలను సేకరించిన ప్రభుత్వం.. బ్యాంకు అకౌంట్ల వివరాలను పరిశీలించింది.. ఆ డేటాతో సివిల్‌ సప్లైస్‌ వద్ద ఉన్న డేటాను స్క్రీనింగ్ చేశారు. తెల్ల రేషన్‌ కార్డుదారుకు బ్యాంకు అకౌంట్‌ ఉంటే ఆ వివరాలు.. అకౌంట్‌ లేకుంటే కుటుంబ సభ్యుల్లో ఎవరో ఒకరి బ్యాంకు అకౌంట్‌ వివరాలను తీసుకున్నారు. రేషన్‌కార్డుతో ఆధార్‌ సీడింగ్‌ అయి ఉండి, బ్యాంకు అకౌంట్‌ నంబర్‌ లేనివారికి రెండో విడతలో నగదు బదిలీ చేయాలని నిర్ణయించారు.