గల్లీ క్రికెట్‌లో DRS.. నవ్వు ఆపుకోలేకపోయిన అశ్విన్

Share Icons:
భారత్‌లో క్రికెట్‌ని ఓ మతంలా భావిస్తారు. చిన్న పిల్లల నుంచి పండు ముదసలి వరకూ క్రికెట్‌ని రెగ్యులర్‌గా ఫాలో అవడమే కాదు.. ఆడుతుంటారు కూడా. ఈ క్రమంలో ఎంతో మంది గల్లీ క్రికెట్‌లో ధోనీ తరహాలో హెలికాప్టర్ షాట్స్ ఆడితే.. బుమ్రా తరహాలో బౌలింగ్ చేసేవారూ లేకపోలేదు. కానీ.. తాజాగా డీఆర్‌ఎస్‌‌ కూడా గల్లీ క్రికెట్‌లో ప్రత్యక్షమైంది.

Read More:

అంతర్జాతీయ క్రికెట్‌లోకి డీఆర్‌ఎస్ (అంపైర్ డిసిషెన్ రివ్యూ సిస్టమ్)ని 2008లో ఐసీసీ ప్రవేశపెట్టింది. ఫీల్డ్ అంపైర్ ఇచ్చే ఔట్ లేదా నాటౌట్ నిర్ణయంపై సందేహాలుంటే ఆటగాళ్లు ఆ నిర్ణయాన్ని డీఆర్‌ఎస్ ద్వారా సవాల్ చేయచ్చు. బ్యాటింగ్ టీమ్ నుంచి అప్పుడు స్ట్రైకింగ్‌లో ఉన్న బ్యాట్స్‌మెన్.. ఫీల్డింగ్ టీమ్ నుంచి ఆ జట్టు కెప్టెన్ డీఆర్‌ఎస్ కోరేందుకు అర్హుడు. అయితే.. డీఆర్‌ఎస్ ద్వారా నిర్ణయాన్ని ప్రకటించడానికి స్లో మోషన్ కెమెరా, స్నికో మీటర్, స్టంప్ మైక్రోఫోన్ తదితర టెక్నాలజీ అవసరం. కానీ.. అవన్నీ ఏమీ లేకుండానే గల్లీ క్రికెట్‌లో డీఆర్‌ఎస్ ద్వారా ఫన్నీగా నిర్ణయాన్ని ప్రకటించారు.

Read More:

గల్లీ క్రికెట్‌లో ఆఫ్ స్టంప్‌కి వెలుపలగా పడిన బంతిని బ్యాట్స్‌మెన్ డిఫెన్స్ చేసేందుకు ప్రయత్నించాడు. కానీ.. బ్యాట్‌కి అందని బంతి నేరుగా వికెట్ కీపర్ చేతుల్లోకి వెళ్లగా.. కీపర్ క్యాచ్ కోసం ఫీల్డింగ్ టీమ్ అప్పీల్ చేసింది. దాంతో.. అంపైర్ ఔటని వేలెత్తేశాడు. కానీ.. ఆ ఔట్ నిర్ణయంపై సందేహం వ్యక్తం చేసిన బ్యాట్స్‌మెన్ డీఆర్‌ఎస్ కోరగా.. ఫన్నీగా స్లో మోషన్‌లో పరిశీలించిన అంపైర్ తన ఔట్ నిర్ణయాన్ని మార్చుకున్నాడు. ఆ వీడియోని తాజాగా షేర్ చేసిన అశ్విన్.. నవ్వు ఆపుకోలేనట్లు ఎమోజీని జత చేశాడు.