క‌రోనా ఫైట్‌: యువరాజ్, హర్భజన్ భారీ విరాళం

Share Icons:
క‌రోనా వైర‌స్ మ‌హమ్మారి విస్త‌రిస్తున్న‌వేళ ఆప‌న్నుల‌కు త‌మ వంతు సాయం చేయాల‌ని ప్ర‌ధాన‌మంత్రి న‌రేంద్ర మోడీ తాజాగా పిలుపునిచ్చిన సంగ‌తి తెలిసిందే. ఈ నేప‌థ్యంలో చాలామంది త‌మ‌కు తోచిన విధంగా సాయం చేస్తున్నారు. తాజాగా ఈ జాబితాలో భార‌త మాజీ క్రికెట‌ర్ యువ‌రాజ్ సింగ్‌, సీనియ‌ర్ ఆఫ్ స్పిన్న‌ర్ హ‌ర్భ‌జ‌న్ సింగ్ చేరారు. ప్ర‌ధాన‌మంత్రి సిటిజ‌న్ అసిస్టెన్స్‌, రిలీఫ్ ఇన్ ఎమ‌ర్జెన్సీ సిట్యూవేష‌న్ ఫండ్‌కు రూ.50 ల‌క్ష‌ల విరాళ‌మిస్తున్న‌ట్లు సోష‌ల్ మీడియా వేదిక ఇన్‌స్టాగ్రామ్‌లో తెలిపాడు.

Read Also:

మ‌నమంతా ఐక్యంగా ఉన్న‌ప్పుడు మ‌రింత శ‌క్తిమంతంగా ఉంటామ‌ని యువీ తెలిపాడు. ఆదివారం రాత్రి మోడీ పిలుపు మేర‌కు తొమ్మిది నిమిషాల‌పాటు క్యాండిల్‌ను వెలిగించ‌నున్న‌ట్లు తెలిపాడు. త‌న‌తో రావాల‌ని సూచించాడు. ఈక్ర‌మంలో పీఎం కేర్స్ ఫండ్‌కు రూ.50 లక్ష‌ల నిధుల‌ను విరాళంగా అందిస్తున్న‌ట్లు పేర్కొన్నాడు. వీలైనంత సాయం చేయాల‌ని ప్ర‌జ‌ల‌కు పిలుపునిచ్చాడు.

Read Also:

మ‌రోవైపు క‌రోనా పోరులో సాయానికి భ‌జ్జీ కూడా ముందుకొచ్చాడు. సొంత‌రాష్ట్రం పంజాబ్ జ‌లంధ‌ర్‌లో ఐదువేల‌మందికి రేష‌న్ స‌రుకుల‌ను త‌న భార్య‌, సినీ న‌టి గీతా బ‌స్రాతో క‌లిసి అందించ‌నున్న‌ట్లు టర్బోనేట‌ర్ తెలిపాడు. మ‌రోవైపు క‌రోనా వైర‌స్ కారణంగా ప్ర‌పంచ‌వ్యాప్తంగా అనేక క్రీడా టోర్నీలు వాయిదా ప‌డిన సంగ‌తి తెలిసిందే. ప్ర‌తిష్టాత్మ‌క ఒలింపిక్స్ గేమ్స్‌, ఐపీఎల్ త‌దిత‌ర టోర్నీల‌ను వాయిదా వేశారు.