కోహ్లీ, రోహిత్ ఉన్నా.. రాహుల్ ఫేవరెట్: లారా

Share Icons:
భారత స్టార్ బ్యాట్స్‌మెన్ కేఎల్ రాహుల్ తన ఫేవరెట్ క్రికెటర్ అని వెస్టిండీస్ దిగ్గజ ఆటగాడు బ్రయాన్ లారా వెల్లడించాడు. తాజాగా ఓ ఇంటర్వ్యూలో లారా మాట్లాడుతుండగా.. ప్రస్తుత తరంలో మీ ఫేవరెట్ క్రికెటర్ ఎవరు..? అని ప్రశ్నించగా.. అతను ఏమాత్రం ఆలోచించుకోకుండా కేఎల్ రాహుల్ పేరు చెప్పాడు. వాస్తవానికి ఇంటర్వ్యూలో లారా.. భారత కెప్టెన్ విరాట్ కోహ్లీ లేదా ఓపెనర్ రోహిత్ శర్మ, ఆస్ట్రేలియా మాజీ కెప్టెన్ స్టీవ్‌స్మిత్ పేర్లని ప్రస్తావించాడు. కానీ.. ‘ఫామ్ అనేది తాత్కాలికం.. క్లాస్ శాశ్వతం’ అని అభిప్రాయపడిన లారా.. ఆఖరికి కేఎల్ రాహుల్‌‌కి ఓటేశాడు.

Read More:

2019లో పేలవ ఫామ్ కారణంగా భారత్ జట్టులో చోటు కోల్పోయిన కేఎల్ రాహుల్.. వన్డే ప్రపంచకప్ తర్వాత జోరందుకున్నాడు. సీనియర్ ఓపెనర్లు శిఖర్ ధావన్, రోహిత్ శర్మ వరుసగా గాయపడటంతో అవకాశం దక్కించుకున్న కేఎల్ రాహుల్.. ఇప్పుడు అదనంగా రిషబ్ పంత్‌కి బదులు వికెట్ కీపింగ్ కూడా చేస్తున్నాడు. దీంతో.. బ్యాటింగ్ ఆర్డర్‌లో ఏ స్థానంలోనైనా బ్యాటింగ్‌ చేయగల సామర్థ్యం ఉన్న రాహుల్‌ని టీమిండియా మేనేజ్‌మెంట్ చక్కగా వినియోగించుకుంటోంది.

Read More:

‘క్రికెట్ ప్రపంచంలో చాలా మంది అద్భతమైన బ్యాట్స్‌మెన్‌లు ఉన్నారు. వారిలో స్టీవ్‌స్మిత్, విరాట్ కోహ్లీ, రోహిత్ శర్మ ముందు వరుసలో ఉన్నారు. కానీ.. నా ఫేవరెట్ క్రికెటర్ మాత్రం కేఎల్ రాహుల్’ అని బ్రయాన్ లారా వెల్లడించాడు. ముంబయిలో జరుగుతున్న రోడ్‌ సేప్టీ వరల్డ్ టీ20 సిరీస్‌లో ప్రస్తుతం.. వెస్టిండీస్ లెజెండ్స్ టీమ్‌కి లారా ఆడుతున్నాడు.