కళ్యాణ్ దేవ్ ‘సూపర్ మచ్చి’.. బొమ్మ బ్లాక్ బస్టరట!

Share Icons:
కళ్యాణ్ దేవ్ హీరోగా నటిస్తోన్న చిత్రం ‘సూపర్ మచ్చి’. పులి వాసు దర్శకత్వం వహిస్తోన్న ఈ చిత్రాన్ని రిజ్వాన్ ఎంటర్‌టైన్మెంట్ బ్యానర్‌పై రిజ్వాన్, ఖుషి నిర్మిస్తున్నారు. ఈ సినిమా టాకీ పార్ట్ మొత్తం పూర్తయింది. మ్యూజిక్ సెన్సేషన్ తమన్ స్వరాలు కూర్చిన ఐదు పాటల్లో రెండు పాటలను ఇప్పటికే చిత్రీకరించారు. వైజాగ్, హైదరాబాద్‌లలో షూటింగ్ నిర్వహించారు. మిగిలిన పాటలను వచ్చే నెలలో గోవాలో చిత్రీకరించేందుకు చిత్ర యూనిట్ ప్లాన్ చేస్తోంది.

‘సూపర్ మచ్చి’ టాకీ పార్ట్ షూటింగ్ పూర్తయిన సందర్భంగా నిర్మాతలు మీడియాకు చిత్ర విశేషాలను వెల్లడించారు. ఈ సినిమాకు కన్నడ హీరోయిన్ రచితా రామ్ ప్లస్ అవుతుందని అన్నారు. తొలి సినిమా ‘విజేత’తో ఆకట్టుకున్న కళ్యాణ్ దేవ్.. ‘సూపర్ మచ్చి’లో పరిణతి చెందిన నటనతో అలరిస్తారని చెప్పారు. అటు మాస్ ఆడియన్స్‌కి, ఇటు కుటుంబ ప్రేక్షకులకు కళ్యాణ్ దేవ్ క్యారెక్టర్ కనెక్ట్ అవుతుందన్నారు. ముఖ్యంగా తమన్ మ్యూజిక్ హైలైట్ అవుతుందని స్పష్టం చేశారు.

‘‘ఇప్పటికే షూటింగ్ పూర్తిచేసిన రెండు పాటలూ చాలా అందంగా వచ్చాయి. ‘సూపర్ మచ్చి’ టైటిల్ సాంగ్ బ్రహ్మాండంగా వచ్చింది. ఆడియో బ్లాక్ బస్టర్ అవుతుందనడంలో ఎలాంటి సందేహం లేదు. రాజేంద్రప్రసాద్, నరేష్ అందించే కామెడీ అమితంగా అలరిస్తుంది. హీరోకి సపోర్టింగ్‌గా నరేష్ గారి క్యారెక్టర్ ఉంటుంది. వాళ్లిద్దరి మధ్య వచ్చే సన్నివేశాలు మంచి వినోదాన్ని అందిస్తాయి. అలాగే రాజేంద్రప్రసాద్, హీరో కాంబినేషన్ సీన్లు కూడా ఆకట్టుకుంటాయి. ఇది లవ్ స్టోరీతో మిక్స్ చేసిన చక్కని ఫ్యామిలీ ఎంటర్‌టైనర్’’ అని నిర్మాతలు చెప్పారు.

Also Read:

కాగా, ఈ సినిమాలో ప్రగతి, పోసాని కృష్ణమురళి, ‘జబర్దస్త్’ మహేష్, భద్రం, పృథ్వీ, ఫిష్ వెంకట్ ఇతర ముఖ్య పాత్రలు పోషించారు. శ్యామ్ కె. నాయుడు సినిమాటోగ్రఫీ అందిస్తోన్న ఈ సినిమాకు మార్తాండ్ కె. వెంకటేష్ ఎడిటర్. బ్రహ్మ కడలి ఆర్ట్ డైరెక్టర్.

See Photo Story: