కరోనా వైరస్ లైవ్‌ అప్‌డేట్స్: లాక్‌డౌన్ వేళ ప్రధాని సంచలన నిర్ణయం

Share Icons:
కట్టిడికి లాక్‌డౌన్‌ కొనసాగుతున్న వేళ కేంద్రం భారీ ఆర్థిక ప్యాకేజీ ప్రకటించింది. గురువారం ఢిల్లీలో ఏర్పాటు చేసిన మీడియా సమావేశంలో కేంద్ర ఆర్థిక మంత్రి నిర్మలా సీతారామన్ మాట్లాడుతూ… ఆహార, రోజువారీ అవసరాలకు సాయంగా గరీబ్‌ కల్యాణ్‌ స్కీమ్‌ పేరుతో రూ.1.70లక్షల కోట్ల ఆర్థిక ప్యాకేజీని ప్రకటిస్తున్నట్లు చెప్పారు. వలస కార్మికులు, పట్టణ, గ్రామీణ పేదలను ఆదుకునేలా ప్యాకేజీ రూపొందించినట్లు చెప్పారు. పేద కార్మికులను ఆదుకోవడంపైనే ప్రధానంగా దృష్టిపెట్టామని వివరించారు. శానిటేషన్‌ వర్కర్లు, ఆశా, పారామెడికల్‌, వైద్యులు, నర్సులకు ఒక్కొక్కరికి రూ.50 లక్షల చొప్పున ప్రత్యేక బీమా సదుపాయం కల్పిస్తున్నట్లు వెల్లడించారు.

కర్ణాటకలో రెండో కరోనా మరణం చోటు చేసుకుంది. బుధవారం కరోనా లక్షణాలతో చనిపోయిన 75 ఏళ్ల వృద్ధురాలి శాంపిళ్లను పరీక్షించగా… ఆమెకు కోవిడ్ సోకినట్లు నిర్ధారించారు. ఈ విషయాన్ని కర్ణాటక వైద్య విద్య శాఖ మంత్రి సుధాకర్ వెల్లడించారు. చనిపోయిన వృద్ధురాలిది ఆంధ్రప్రదేశ్‌లోని అనంతపురం జిల్లా హిందూపురం అని తెలుస్తోంది.

చైనాలో
తగ్గుముఖం పట్టడంతో రెండు నెలలుగా పలు ప్రావిన్సుల్లో కొనసాగుతున్న లాక్‌డౌన్ ఆంక్షలను తొలగించారు. ముఖ్యంగా కోవిడ-19 తొలిసారి వెలుగుచూసిన వుహాన్‌లో పరిస్థితులు చక్కబడుతున్నాయి. నగరం క్రమంగా కోలుకోవడంతో ఆంక్షలను సడలించారు. దీంతో గత రెండు నెలలుగా ఇక్కడ చిక్కుకున్న ఇతర ప్రాంతాలవారు స్వస్థలాలకు వెళ్లేందుకు పయనమయ్యారు.

కరోనా వైరస్ మహమ్మారిని అరికట్టడానికి ప్రధాని తీసుకున్న లాక్‌డౌన్‌ నిర్ణయానికి సంపూర్ణ మద్దతు తెలుపుతున్నట్టు కాంగ్రెస్‌ అధినేత్రి సోనియాగాంధీ వెల్లడించారు. ఈమేరకు ప్రధానమంత్రి నరేంద్రమోదీకి గురువారం లేఖ రాసిన సోనియా.. కరోనా వైరస్‌ లక్షలాదిమంది జీవితాలను ప్రమాదంలో పడేసిందన్నారు. కరోనా మహమ్మారిపై విజయానికి దేశం ఒక్కతాటిపై నిలిచి పోరాడాలని ఆమె పిలుపునిచ్చారు. కరోనా వైరస్‌ నివారణ చర్యలకోసం కేంద్రం తీసుకునే ప్రతి నిర్ణయానికి కాంగ్రెస్ నుంచి సంపూర్ణ మద్దతు ఉంటుందని పేర్కొన్నారు.

దేశమంతా
కొనసాగుతుంటే.. రామ్‌లల్లా విగ్రహాల తరలింపు కార్యక్రమంలో యూపీ సీఎం పాల్గొని, సామాజిక దూరం పాటించకపోవడంపై విమర్శలు వెల్లువెత్తాయి. కరోనా వైరస్ నియంత్రణకు లాక్‌డౌన్ ప్రకటించి, సామాజిక దూరం పాటించాలని ప్రధాని పిలుపునిచ్చిన గంటల వ్యవధిలోనే దీనిని ఉల్లంఘించిన
ఈ కార్యక్రమంలో పాల్గొనడం ఏంటని ప్రశ్నిస్తున్నారు.

కరోనా వైరస్ వ్యాప్తిని నిరోధానికి ప్రపంచవ్యాప్తంగా వివిధ దేశాలు కట్టుదిట్టమైన చర్యలు తీసుకుంటున్నాయి. ఈ చర్యల ఫలితంగా మూడు బిలియన్లు అంటే 300 కోట్ల మందికి పైగా ప్రజలు నిర్బంధంలోనే ఉంటున్నారు. అంతర్జాతీయంగా కరోనా మృతుల సంఖ్య బుధవారం నాటికి 21,400, బాధితుల సంఖ్య 4,76,000 కు చేరిన నేపథ్యంలో… ప్రపంచ దేశాల ఏకీకృత చర్యల ద్వారా మాత్రమే వైరస్‌ వ్యాప్తిని అడ్డుకోగలమని ఐక్యరాజ్యసమితి సెక్రటరీ జనరల్‌ ఆంటోనియో గుటెరస్‌ మరోసారి స్పష్టం చేశారు.

దేశంలో కరోనా వైరస్ వేగంగా విస్తరిస్తోంది. కేంద్ర ఆరోగ్య కుటుంబ శాఖ వెల్లడించిన వివరాల ప్రకారం దేశంలో మొత్తం 649 కేసులు నమోదయ్యాయి. దేశవ్యాప్తంగా ఇప్పటి వరకు మొత్తం 13 మంది మృతిచెందినట్టు తెలిపింది. కశ్మీర్‌లో తొలి మరణం గురువారం ఉదయం నమోదయ్యింది. శ్రీనగర్ హాస్పిటల్‌లో కరోనా వైరస్‌తో చికిత్స పొందుతున్న 65 ఏళ్ల వృద్దుడు మృతిచెందాడు.
.

ప్రపంచవ్యాప్తంగా కరోనా వైరస్‌ బాధితులు రోజు రోజుకూ పెరుగుతుండటంతో దీనికి ఎప్పుడు, ఎలా అడ్డుకట్టపడుతుందో తెలియక వందల కోట్ల మంది ఆందోళన చెందుతున్నారు. ప్రపంచవ్యాప్తంగా అనేక మంది శాస్త్రవేత్తలు, సంస్థలు ముమ్మర పరిశోధనలు నిర్వహిస్తున్నాయి. దీంతో, వ్యాక్సిన్ కోసం ప్రపంచం ఎంతో ఆత్రంగా ఎదురుచూస్తోంది. ప్రపంచవ్యాప్తంగా మొత్తం 35 ఫార్మ కంపెనీలు, సంస్థలు పరిశోధనలు చేస్తుండగా.. వీటిలో కనీసం నాలుగు సంస్థలు వ్యాక్సిన్ అభివృద్ధి చేసి జంతువులపై క్లినికల్ ట్రయల్స్ ప్రారంభించాయి.

ఇటలీలో మాత్రం కరోనా కలకం సృష్టిస్తోంది. దాదాపు 6వేలకు పైగా ఇటలీవాసులు ఈ వైరస్ వల్ల ప్రాణాలు కోల్పోయారు. ఇప్పుడు అగ్రరాజ్యం అమెరికానను కూడా వైరస్ వణికిస్తోంది. స్పెయిన్ లో కూడా కరోనా విజృంభిస్తుంది. నిన్న ఒక్క రోజే ఈ వైరస్ 738 మందిని బలి తీసుకుంది. అయితే ఇప్పటివరకు ఈ వైరస్ బారిన పడి వృద్ధులే ఎక్కువమంది చనిపోయారు. తొలిసారిగా 21 ఏళ్ల యువతి ఈ వైరస్‌తో ఆస్పత్రిలో చికిత్స పొందుతూ చనిపోయింది.

వికారి నామ సంవత్సరం మహమ్మారి కరోనా వైరస్‌ను ఇచ్చిపోయిందని శార్వరి నామ సంవత్సరంలో కాల సర్పయోగం ఆరుసార్లు కలగడం వల్ల విపత్తులు సంభవిస్తాయని పండితులు అంటున్నారు. ప్రజలు ఇబ్బందులు ఎదుర్కొనే ఆస్కారం ఉంటుందని, మే 22 వరకు ప్రజలు కరోనా వైరస్ పట్ల జాగ్రత్తగా ఉండాలని, స్వీయ నియంత్రణ పాటించాలని సూచించారు.

ప్రపంచవ్యాప్తంగా కరోనా వైరస్ 200 దేశాలకు విస్తరించింది. గతేడాది డిసెంబరు చివరిన చైనాలోని వుహాన్ నగరంలో వెలుగుచూసిన కొత్తరకం ప్రాణాంతక వైరస్ ఖండంతరాలను దాటి విజృంభిస్తోంది. ఈ మహమ్మారిని అరికట్టడానికి అన్ని దేశాలూ తీవ్రంగా శ్రమిస్తున్నాయి. పేద, ధనిక అనే తేడా లేకుండా అన్ని దేశాలనూ ఈ వైరస్‌ బాధిస్తోంది. అనేక దేశాలు ప్రజలను ఇళ్ల నుంచి రానీయకుండా నిషేధాజ్ఞలు విధించాయి. సామాజిక దూరం, ఐసోలేషన్ వల్లే వైరస్‌ను అడ్డుకోవచ్చని పదే పదే నిపుణులు సూచిస్తున్నారు.

దేశంలో కరోనా వైరస్ కేసులు రోజు రోజుకూ పెరుగుతుండటంతో 21 రోజుల లాక్‌డౌన్ కొనసాగుతోంది. వైరస్‌ను వేగంగా వ్యాప్తిచెందే ప్రమాదం ఉందని, ఈ సమయంలో మరింత అప్రమత్తంగా ఉండాలని కేంద్ర ఆరోగ్య శాఖ హెచ్చరించింది. రాష్ట్ర ప్రభుత్వాలు సైతం పటిష్ట చర్యలు చేపట్టడంతో ప్రజలు ఇళ్లకే పరిమితమవుతున్నారు. ప్రస్తుతం దేశంలో కోవిడ్ కేసుల సంఖ్య 650 దాటింది. మంగళవారంతో పోల్చితే బుధవారం కేసుల సంఖ్య పెరిగింది.

కరోనా వైరస్ ప్రపంచాన్ని వణికిస్తోంది. దేశం మొత్తం లాక్‌డౌన్ ప్రకటించాల్సిన పరిస్థితి ఏర్పడింది. మూడు వారాల పాటూ జనాలు ఇళ్లలో నుంచి బయటకు రాకూడదని అధికారులు, పోలీసులు హెచ్చరిస్తున్నారు. లాక్‌డౌన్ దెబ్బకు ఒక్కసారిగా పరిస్థితి పూర్తిగా మారిపోయింది. ఇలాంటి కష్టకాలంలో సినిమా సెలబ్రిటీలు, రాజకీయ ప్రముఖులు అండగా నిలుస్తున్నారు.

ప్రపంచాన్ని కరోనా వణికిస్తోంది. స్పెయిన్, అమెరికా, ఇటలీ వంటి దేశాల్లో మరణాల సంఖ్య పెరుగుతోంది. దీంతో ఈ దేశాల్లో ఉన్న భారతీయులు భయంతో వణికిపోతున్నారు. ఇప్పటికే కొందరు తిరిగి స్వదేశానికి చేరుకోగా.. కొందరు మాత్రం అక్కడే చిక్కుకుపోయారు.

తెలంగాణలో లాక్ డౌన్ ప్రభావంతో దాదాపు ప్రజలంతా ఇళ్లకే పరిమితమయ్యారు. ఎంతో మంది ఇలా సెలవులు దొరకడం అరుదని భావించి కుటుంబంతోనే సమయం గడుపుతున్నారు. ఇళ్లలోనే ఉండి చేయగలిగే పనులను చేసుకుంటున్నారు. పని మనుషులు కూడా తమ ఇళ్లకే పరిమితం కావడంతో మరికొందరు తమ ఇళ్లను తామే శుభ్రం చేసుకుంటున్నారు.
.

తెలంగాణలో ప్రస్తుతం అమలవుతున్న లాక్‌డౌన్‌ ప్రభావంతో మంత్రి కేటీఆర్, హైదరాబాద్ మహా నగర పాలక సంస్థ (జీహెచ్‌ఎంసీ) మరో కీలక నిర్ణయం తీసుకున్నారు. తొలుత లాక్‌డౌన్ సందర్భంగా హైదరాబాద్‌లోని పలు ప్రాంతాల్లో ఉన్న అన్నపూర్ణ కేంద్రాలను సైతం మూసేయాలని అనుకున్నారు.

తెలంగాణ వ్యాప్తంగా ప్రస్తుతం ఉన్న లాక్ డౌన్ పరిస్థితుల్లో ప్రజలు నిత్యావసరాలు కొనుగోలు చేసేందుకు సైతం ఇబ్బందులు పడుతున్న సంగతి తెలిసిందే. ఉదయం నుంచి సాయంత్రం వరకూ ఇంటికి ఒకరు చొప్పున దుకాణాలకు వెళ్లొచ్చని ప్రభుత్వం అనుమతించినా ప్రధాన రహదారుల గుండా వెళ్లాల్సిన వారికి ఇబ్బందులు ఎదురవుతున్నాయి. పోలీసులు వారిని ఆపి, అనుమతించకపోవడం వంటి ఘటనలు జరుగుతున్నాయి.