కరోనా విషయంలో కొద్దిమందిని దోషులుగా చూడొద్దు… వైసీపీ ఎంపీ ఆసక్తికర ట్వీట్

Share Icons:
ఆంధ్రప్రదేశ్‌లో కరోనా కేసుల సంఖ్య రోజురోజుకు పెరిగిపోతుంది. రాష్ట్ర వ్యాప్తంగా రెండు జిల్లాలు మినహా మిగిలిన అన్నిచోట్ల కూడా కరోనా వ్యాపించింది. దీంతో అధికారులు, ప్రభుత్వం అప్రమత్తమైంది. ఎక్కడికక్కడ కరోనాను కట్టడి చేసేందుకు అధికారులు ప్రయత్నాలు చేస్తున్నారు. తాజాగా కరోనా వ్యాధి వ్యాపిస్తున్న నేపథ్యంలో వైసీపీ ఎంపీ విజయసాయిరెడ్డి సోషల్ మీడియా వేదికగా రాష్ట్ర ప్రజలకు పిలుపు నిచ్చారు. కరోనా వైరస్‌కు కులాలు, మతాలు లేవన్నారు. చైనా నుంచి ప్రపంచమంతా ఈ వైరస్ వ్యాపించిందన్నారు. తమ ప్రాణం పోవాలని ఎవరూ అనుకోరన్నారు. కొద్దిమందిని అనుమానించి దోషులుగా చూడొద్దని సాయిరెడ్డి సూచించారు. అందరం సంఘటితంగా నిలబడి ఎదుర్కోవాల్సిన సమయమిది అని అన్నారు.. ఈ మహమ్మారిని తరిమేసే వరకు పోరాడాల్సిందేనంటూ ప్రజలకు విజయసాయిరెడ్డి పిలుపునిచ్చారు.

గత కొన్ని రోజులుగా ఢిల్లీ మర్కజ్‌కు వెళ్లిన వారే అధికంగా కరోనా వైరస్ బారిన పడటంతో…. ఓ సామాజిక వర్గంపై సోషల్ మీడయా వేదికగా దుష్ప్రచారం జరుగుతుంది. చాలామంది దీన్ని తప్పు పడుతున్న కొందరు మాత్రం మద్దతిస్తున్నారు. దీంతో ఈ విషయంపై వైసీపీ ఎంపీ విజయసాయిరెడ్డి స్పందించారు. కరోనా వైరస్‌కు కులాలు మతాలు లేవన్నారు. కొద్దిమందిని దోషులుగా చూడటం సరికాదంటూ తన అభిప్రాయాన్ని వ్యక్తం చేశారు.

అంతకుముందు ఆయన మరో ట్వీట్ కూడా చేశారు. ప్రజలు జాగ్రత్తలు పాటించాలని వైసీపీ ఎంపీ విజయసాయిరెడ్డి అన్నారు. ‘సామాజిక దూరం పాటించాలి. ఇళ్లలో స్వీయ నిర్బంధంలో ఉంటే తప్ప కరోనాను నియంత్రించలేం. మహారాష్ట్రలో కరోనా మూడో స్టేజికి వెళ్లినట్టు అక్కడ ప్రభుత్వం ఆందోళన చెందుతోంది. విదేశాల నుంచి వచ్చిన వాళ్లెవరినీ కలవకున్నా వ్యాధి సోకినట్టు గుర్తించారు. మనకు ఆలాంటి ప్రమాదం రాకుండా జాగ్రత్త పడాలి’ అని ట్వీట్ చేశారు.

మరోవైపు చంద్రబాబు పాలనపై కూడా ఈ సందర్భంగా మరో ట్వీట్ చేస్తూ సెటైర్లు వేశారు. చంద్రబాబు ఐదేళ్ల పాలనలో రైతులకు ఏనాడు గిట్టుబాటు ధర లేదన్నారు. దళారులదే రాజ్యంగా ఉండేది. ఇపుడు ధాన్యం క్వింటా 1835కు ప్రభుత్వమే కొంటోందన్నారు. సిఎం జగన్ స్వయంగా పర్యవేక్షిస్తున్నారని తెలిపారు. నూకల పేరుతో కాకినాడ నుంచి బియ్యం ఎగుమతి చేసిన మాఫియా ఆటలు ఇక సాగవన్నారు. అర్థమవుతోందా బాబూ? అంటూ చంద్రబాబును ఉద్దేశించి ఎద్దేవా చేశారు.