ఐసీయూ తాళాలు దొరక్క మహిళ మృతి

Share Icons:
ధ్యప్రదేశ్‌‌లోని ఉజ్జయినీలో విషాద ఘటన చోటు చేసుకుంది. ఓ ప్రైవేట్ ఆసుపత్రిలో ఐసీయూ గది తాళాలు దొరక్క మహిళ (55) మృతి చెందింది. శ్వాస తీసుకోవడంలో తీవ్ర ఇబ్బంది పడిన బాధితురాలు.. ఐసీయూ గది తలుపులు బద్దలు కొట్టే సరికే తుదిశ్వాస విడిచింది. మహిళ నుంచి నమూనాలు సేకరించి కరోనా పరీక్షల నిమిత్తం పంపించారు. ఘటనపై పోలీసులు కేసు నమోదు చేసి దర్యాప్తు చేస్తున్నారు.

రక్త పీడనం (బీపీ) పెరగడం, శ్వాస తీసుకోవడంలో ఇబ్బంది తలెత్తడంతో మహిళను గురువారం (ఏప్రిల్ 2) ఉజ్జయినీ జిల్లా ప్రభుత్వ ఆస్పత్రికి తీసుకెళ్లారు. అక్కడ పరిస్థితి విషమించడంతో వైద్యులు ఆమెను మాధవ్ నగర్ ఆస్పత్రికి తీసుకెళ్లాల్సిందిగా సూచించారు. అయితే.. ఆమె కుటుంబసభ్యులు ఆమెను ఓ ప్రైవేట్ ఆస్పత్రికి తరలించారు. డాక్టర్లు సిఫారసు చేసిన ఆస్పత్రిలో కరోనా రోగులు ఎక్కువగా ఉండటం, అక్కడి కంటే ప్రైవేట్ ఆస్పత్రిలో వసతులు మెరుగ్గా ఉంటాయని భావించి వారు ఇలా చేశారు.

Must Read:

అయితే.. మహిళను తీసుకొచ్చిన అంబులెన్స్ ప్రైవేట్ ఆస్పత్రికి చేరుకున్న సమయానికి కనిపించలేదు. ఆ తాళాలు భద్రపరిచిన వ్యక్తి ఆస్పత్రిలో లేనట్లు గుర్తించారు. అతడి కోసం ఆరా తీయడం, ఐసీయూ గది తలుపులు బద్దలు కొట్టడానికి ప్రయత్నించడంలోనే పుణ్యకాలం కాస్త గడిచిపోయింది. దీంతో బాధితురాలి ప్రాణాలు గాల్లో కలిసిపోయాయి.

ఘటనకు బాధ్యులైన ఇద్దరు డాక్టర్లను సస్పెండ్ చేస్తూ ఆదేశాలు జారీ చేశారు. ఆ మహిళ మరణించిన కాసేపటికే వెంటిలేటర్ సమకూర్చని కారణంగా మరో మహిళ మృత్యువాతపడటం శోచనీయం. ఈ ఘటనను కూడా అధికారులు సీరియస్‌గా తీసుకున్నారు.

శ్వాస అందక మరణించిన 55 ఏళ్ల మహిళకు కరోనా వైరస్ సోకిందేమోనన్న అనుమానాల మధ్య.. ఆమెకు సంబంధించిన నమూనాలను సేకరించి పరీక్షలకు పంపించారు. ఆ రిపోర్టులు రావాల్సి ఉందని అధికారులు తెలిపారు. మధ్యప్రదేశ్‌లో కరోనా కేసులు ఇప్పటికే 100 దాటాయి. కరోనా కారణంగా ఆ రాష్ట్రంలో ఇప్పటివరకు ఆరుగురు మృత్యువాతపడ్డారు.

Don’t Miss: