ఐపీఎల్ 2020 షెడ్యూల్‌లో చిన్న మార్పు..?

Share Icons:
సీజన్ షెడ్యూల్‌లో చిన్న మార్పు చోటు చేసుకునే సూచనలు కనిపిస్తున్నాయి. మార్చి 29 నుంచి ఐపీఎల్ మ్యాచ్‌లు ప్రారంభమవుతాయని ఇటీవల బీసీసీఐ అధ్యక్షుడు సౌరవ్ గంగూలీ ప్రకటించాడు. కానీ.. అదే రోజున ఐసీసీ దుబాయ్ వేదికగా బోర్డు మీటింగ్‌ని ఏర్పాటు చేసింది. దీంతో.. గంగూలీతో పాటు బీసీసీఐ ఉన్నాతాధికారులు ఆ సమావేశానికి హాజరుకానున్నారు. ఈ నేపథ్యంలో.. ఐపీఎల్ ప్రారంభ తేదీని మార్చాలని బీసీసీఐ యోచిస్తున్నట్లు వార్తలు వస్తున్నాయి.

Read More:

ఐపీఎల్ 2019 సీజన్ ముంగిట పుల్వామా ఉగ్రదాడిలో భారత జవాన్లు మరణించడంతో గత ఏడాది ఆరంభోత్సవాన్ని బీసీసీఐ నిర్వహించలేదు. దీంతో.. ఈ ఏడాది అంగరంగ వైభవంగా ప్రారంభోత్సవాన్ని నిర్వహించాలని బీసీసీఐ ప్లాన్ చేస్తోంది. కానీ.. ఐసీసీ సమావేశం కారణంగా.. మార్చి 29న దుబాయ్‌లో బీసీసీఐ పెద్దలు ఉండనున్నారు. ఈ నేపథ్యంలో.. ఐసీసీకి ఇటీవల లేఖ రాసిన బీసీసీఐ.. మీటింగ్ తేదీని మార్చాలని కోరింది. కానీ.. ఐసీసీ మాత్రం బీసీసీఐ అభ్యర్థనని తిరస్కరించింది. దీంతో.. ఐపీఎల్ ప్రారంభ తేదీని మార్చాలని బీసీసీఐ యోచిస్తోంది.

Read More:

2008లో ఐపీఎల్ ప్రారంభమవగా.. ఇప్పటి వరకూ 12 సీజన్లు ముగిశాయి. క్రికెట్ ప్రపంచంలోనే అత్యంత ఆదరణ ఉన్న టోర్నీగా విరాజిల్లుతున్న ఐపీఎల్.. బీసీసీఐకి పెద్ద మొత్తంలో ఆదాయాన్ని తెచ్చిపెడుతోంది. దీంతో.. ఏటా ప్రతిష్ఠాత్మకంగా ఈ టోర్నీని బీసీసీఐ నిర్వహిస్తోంది. ఐపీఎల్‌కి పోటీగా పాకిస్థాన్ సూపర్ లీగ్, బంగ్లాదేశ్ ప్రీమియర్ లీగ్, బిగ్‌బాష్ లీగ్, కరీబియన్ ప్రీమియర్ లీగ్ తదితర టోర్నీలు వచ్చినా.. ఆదాయం, ఆదరణ విషయంలో ఐపీఎల్‌కి అవి ఏమాత్రం చేరువకాలేకపోయాయి.