ఐపీఎల్ ముంగిట.. టీమిండియా స్పిన్నర్ చాహల్‌ ఎంగేజ్‌మెంట్

Share Icons:
టీమిండియా మణికట్టు స్పిన్నర్ యుజ్వేందర్ శనివారం పూర్తయింది. కొరియోగ్రాఫర్ ధనశ్రీ వర్మతో తనకి ఎంగేజ్‌మెంట్ జరిగిన విషయాన్ని సోషల్ మీడియా ద్వారా చాహల్ ఈరోజు అభిమానులతో పంచుకున్నాడు. యూఏఈ వేదికగా సెప్టెంబరు 19 నుంచి నవంబరు 10 వరకూ ఐపీఎల్ 2020 సీజన్ జరగనుండగా.. రాయల్ ఛాలెంజర్స్ బెంగళూరు తరఫున చాహల్ ఈ టోర్నీలో ఆడనున్నాడు.

కరోనా వైరస్ వ్యాప్తి కారణంగా గత మార్చి నుంచి భారత క్రికెటర్లు ఆటకి దూరంగా ఉండిపోగా.. ఐపీఎల్ 2020 సీజన్ కోసం ఆగస్టు 20 తర్వాత యూఏఈకి ఆటగాళ్లు వెళ్లనున్నారు. ఈ కరోనా బ్రేక్ సమయంలో వరుస టిక్ టాక్ వీడియోలు చేసిన చాహల్.. విరాట్ కోహ్లీ, క్రిస్‌గేల్, ఏబీ డివిలియర్స్, యువరాజ్ సింగ్ తదితరులతో మొట్టికాయలు తిన్నాడు. అతను చేసిన ఫన్నీ టిక్‌ టాక్ వీడియోలు చూసిన కోహ్లీ.. చాహల్ అంతర్జాతీయ స్థాయిలో ఆడే క్రికెటర్ అంటే ఎవరూ నమ్మరని అభిప్రాయపడ్డాడు.

భారత వన్డే, టీ20 జట్టులో రెగ్యులర్‌ ఆటగాడిగా కొనసాగుతున్న చాహల్.. టెస్టుల్లో మాత్రం ఇంకా అరంగేట్రం చేయలేదు. దాంతో.. ఐపీఎల్ 2020 సీజన్‌లో రాణించడం ద్వారా.. డిసెంబరు 3 నుంచి ప్రారంభంకానున్న ఆస్ట్రేలియా టూర్‌కి ఎంపికవ్వాలని ఈ స్పిన్నర్ ఆశిస్తున్నాడు.