ఏపీ అలర్ట్: 226కు చేరిన కరోనా పాజిటివ్, కర్నూలులో భారీగా కేసులు

Share Icons:
ఆంధ్రప్రదేశ్‌లో () పాజిటివ్ కేసులు భారీగా పెరుగుతున్నాయి. 192గా ఉన్న కేసులు ఒక్కసారిగా 34 కేసులు పెరిగి 226కు కరోనా వైరస్ కేసులు చేరుకున్నాయి. ఈ మేరకు రాష్ట్ర వైద్య, ఆరోగ్య శాఖ ప్రకటన విడుదల చేసింది. ఈ కేసుల్లో కూడా ఎక్కువ ఢిల్లీ ప్రార్థనకు వెళ్లి వచ్చినవారు, వారి కుటుంబ సభ్యులే ఉన్నారు.

రాష్ట్రంలో శనివారం రాత్రి 9 గంటల నుంచి ఆదివారం ఉదయం 9 వరకు నమోదైన కోవిడ్ పరీక్షల్లో కొత్తగా ఒంగోలులో 2, చిత్తూరులో 7, కర్నూలులో 23, నెల్లూరులో 2 పాజిటివ్ కేసులు నమోదైనట్లు రాష్ట్ర వైద్య, ఆరోగ్య శాఖ వెల్లడించింది. కొత్తగా నమోదైన 34 కేసులతో కలిపి రాష్ట్రంలో కోవిడ్ 19 పాజిటివ్ కేసుల సంఖ్య 226కి పెరిగినట్లు వెల్లడించింది. కర్నూలు జిల్లాల్లో గంటల వ్యవధిలోనే 23 కేసులు పెరిగి జిల్లాలో మొత్తం 27 మందికి చేరాయి.