ఏపీలో మరో 24 మందికి కరోనా.. మొత్తం 111 కేసులు.. జిల్లాల వారీగా ఇలాా..

Share Icons:
ఏపీలో మరో 24 మందికి కరోనా పాజిటివ్ అని తేలిందని ఆరోగ్య శాఖ ప్రకటించింది. దీంతో రాష్ట్రంలో కోవిడ్ బారిన పడిన వారి సంఖ్య 111కు చేరింది. బుధవారం సాయంత్రం 7 గంటలకు ల్యాబ్ ఫలితాలు వచ్చిన తర్వాత ఏపీ ప్రభుత్వం హెల్త్ బులెటిన్ ఈ విషయాన్ని వెల్లడించింది. జగన్ సర్కారు వెల్లడించిన వివరాల ప్రకారం గుంటూరు జిల్లాలో అత్యధికంగా 20 మందికి కోవిడ్ పాజిటివ్ అని తేలింది. కడప, కృష్ణా, ప్రకాశం జిల్లాలో 15 మందికి చొప్పున కరోనా సోకింది. పశ్చిమ గోదావరిలో 14 మందకి, విశాఖ జిల్లాలో 11 మందికి, తూర్పు గోదావరిలో 9 మందికి కోవిడ్ పాజిటివ్ అని తేలింది.

చిత్తూరు జిల్లాలో ఆరుగురికి, నెల్లూరులో ముగ్గురికి, అనంతపురంలో ఇద్దరికి కోవిడ్ సోకినట్లు తేలింది. నెల్లూరు జిల్లాలో ఒకరు, విశాఖలో మరొకరు కోవిడ్ బారి నుంచి కోలుకున్నారు. ఇప్పటి వరకూ శ్రీకాకుళం, విజయనగరం జిల్లాల్లో మాత్రమే కరోనా కేసులు నమోదు కాలేదు.

బుధవారం ఉదయానికి రాష్ట్రంలో 87 కరోనా కేసులు నమోదయ్యాయి. విదేశాల నుంచి తిరిగి వచ్చిన వారిలో 10 మంది, వారి సన్నిహితులు ఆరుగురికి కరోనా పాజిటివ్ అని నిర్ధారణ అయ్యిందని ప్రభుత్వం తెలిపింది. ఢిల్లీ నుంచి వచ్చిన వారిలో 64 మందికి, వారి సన్నిహితులు 6 మందితోపాటు మరొకరికి కలిపి మొత్తం 87 మంది కోవిడ్-19 పాజిటివ్ గా నిర్ధారణ అయ్యిందని తెలిపింది.