ఎంఎస్ ధోనీ కాంట్రక్టు విషయంలో కొత్త ట్విస్ట్

Share Icons:
బీసీసీఐ ఆటగాళ్ల వార్షిక కాంట్రాక్టుల జాబితాను గురువారం ప్రకటించిన సంగతి తెలిసిందే. అయితే ఇందులో భారత మాజీ కెప్టెన్ పేరు లేకపోవడంతో నానా రచ్చ జరుగుతున్న సంగతి తెలిసిందే. 14 ఏళ్లుగా కాంట్రాక్టులో ఉన్న ప్లేయర్‌ను ఇలా ఒక్కసారిగా తొలగించడం సరికాదని పలువురు అభిప్రాయాలు వ్యక్తం చేస్తున్నారు. అయితే బీసీసీఐ ఉన్నతాధికారి ఒకరు ఈ విషయంలో ఒక ట్విస్ట్ ఇచ్చారు. ఈ విషయాన్ని ధోనీకి ముందే చెప్పామని తెలిపారు.

Read Also :
ప్రముఖ వార్త ఏజేన్సీ పీటీఐతో మాట్లాడిన సదరు అధికారి.. కాంట్రాక్టుల జాబితా వెల్లడిలో తనపేరు లేదని ధోనీకి ముందే తెలుసని వ్యాఖ్యానించాడు. ధోనీ లాంటి స్థాయి ఉన్న ప్లేయర్‌కు కాంట్రాక్టుల గురించి ముందే తెలుపుతామని, ఈ విషయమై బోర్డు ఉన్నతాధికారి ఒకరు అతనితో మాట్లాడిననట్లు తెలిపాడు. మరోవైపు నిబంధనలమేరకే ధోనీకి కాంట్రాక్టు ఇవ్వలేదని, తను టీమిండియాలో చేరితే త్వరలోనే అతనికి సెంట్రల్ కాంట్రాక్టు లభిస్తుందని వ్యాఖ్యానించాడు.

Read Also :
కాంట్రాక్టు నిబంధనల ప్రకారం ఈ జాబితాలో ఏదేని గ్రేడ్‌లో స్థానం సంపాదించాలంటే ఆ కాలనికి సంబంధించి ఆయా ఫార్మాట్లలో నిర్ణీత సంఖ్యలో అంతర్జాతీయ మ్యాచ్‌లు ఆడాలి. ఉదాహరణకు ప్రస్తుతం ప్రకటించిన కాంట్రాక్టు పీరియడ్ (అక్టోబర్ 2019-సెప్టెంబర్ 2020)లో ధోనీ ఒక్క అంతర్జాతీయ మ్యాచ్ కూడా ఆడలేదని గుర్తు చేశాడు. ఈకాలంలో పది టీ20లు ఆడిన వాషింగ్టన్ సుందర్‌కు సీ గ్రేడ్, మూడు టెస్టులు ఆడిన వృద్ధిమాన్ సాహాకు బీ గ్రేడ్ దక్కిందని గుర్తు చేశాడు. టీ20 వరల్డ్‌కప్‌కు ముందు ఆసియా కప్ జరుగనుందని, ఆ సమయంలో ధోనీ రీఎంట్రీ ఇస్తే అతనికి తగిన కాంట్రాక్టు దక్కుతుందని బోర్డు అధికారి వ్యాఖ్యానించాడు.

Read Also :