ఇంగ్లాండ్ క్రికెటర్ అలెక్స్ సెకండ్ ఛాన్స్‌కి అర్హుడు: క్రిస్‌వోక్స్

Share Icons:
ఇంగ్లాండ్ ఓపెనర్ అలెక్స్ హేల్స్‌కి మరో అవకాశమివ్వాలని అతని సహచరుడు క్రిస్‌వోక్స్ సూచించాడు. 2019 వన్డే ప్రపంచకప్ ముంగిట డ్రగ్స్ తీసుకున్న .. డోప్ పరీక్షల్లో దొరికిపోయాడు. దాంతో.. వన్డే ప్రపంచకప్‌ జట్టులో అతనికి అవకాశమివ్వని ఇంగ్లాండ్‌ అండ్‌ వేల్స్‌ క్రికెట్‌ బోర్డు (ఈసీబీ).. ఇప్పటికీ సెలక్షన్స్‌కి అతడ్ని పరిగణలోకి తీసుకోవడం లేదు. అయితే 31 ఏళ్ల అలెక్స్‌లో ఇంకా చాలా క్రికెట్ మిగిలి ఉందని చెప్పుకొచ్చిన ఫాస్ట్ బౌలర్ క్రిస్‌వోక్స్.. అతనికి సెకండ్ ఛాన్స్ ఇవ్వాలని ఈసీబీకి సూచించాడు.

Read More:

‘‘గత ఏడాది ఏం జరిగిందో..? నాకు పూర్తిగా తెలియదు. కానీ.. అలెక్స్ హేల్స్ మళ్లీ ఇంగ్లాండ్ జట్టులోకి రావాలనేది నా ఆశ. నేనే కాదు.. టీమ్‌లో చాలా మంది క్రికెటర్లు అతని రీఎంట్రీని కోరుకుంటున్నారు. ప్రతి ఒక్కరూ సెకండ్ ఛాన్స్‌కి అర్హులు.. ఇప్పుడు అలెక్స్ కూడా. అతను తన తప్పిదాల్ని దిద్దుకుంటాడు. అలెక్స్ ఓ వరల్డ్‌క్లాస్ ప్లేయర్. సుదీర్ఘకాలంగా అతనితో కలిసి నేను మ్యాచ్‌లు ఆడుతున్నాను’’ అని క్రిస్‌వోక్స్ వెల్లడించాడు.

Read More:

ఇంగ్లాండ్ తరఫున 11 టెస్టులు, 69 వన్డేలు, 60 టీ20 మ్యాచ్‌లాడిన అలెక్స్ హేల్స్.. దూకుడుగా ఇన్నింగ్స్‌ని ఆరంభించడంలో దిట్ట. ముఖ్యంగా.. టీ20ల్లో అతను ఏకంగా 136.66 స్ట్రైక్‌రేట్‌తో 1644 పరుగులు చేశాడు. ఇందులో ఒక సెంచరీ, 8 హాఫ్ సెంచరీలు ఉండటం విశేషం.