ఆ ఉద్యోగులకు గుడ్‌న్యూస్.. జీతాల్లో కోతల్లేవ్, అంతకుమించి.. కేసీఆర్ కీలక నిర్ణయం

Share Icons:
కరోనా వ్యాప్తిని నిరోధించడానికి విశేష కృషి చేస్తున్న వైద్య, ఆరోగ్య సిబ్బంది, పోలీసు సిబ్బందికి మార్చి నెల పూర్తి వేతనం చెల్లించాలని ముఖ్యమంత్రి కె.చంద్రశేఖర్ రావు నిర్ణయించారు. ఈ రెండు శాఖల ఉద్యోగులకు అదనపు నగదు ప్రోత్సాహకాలు కూడా (ఇన్సెంటివ్) అందించాలని నిర్ణయించారు. ఈ ఇన్సెంటివ్‌‌ను ఒకటీ రెండు రోజుల్లో ఎంత అనే అంశాన్ని ప్రకటించే అవకాశం ఉంది. ముఖ్యమంత్రి ప్రగతి భవన్‌లో బుధవారం నిర్వహించిన సమీక్షలో ఈ మేరకు నిర్ణయం తీసుకున్నారు.

Must Read:

లాక్ డౌన్ వేళ రాష్ట్ర ఆర్థిక పరిస్థితుల ముందస్తుగానే ప్రభుత్వ ఉద్యోగుల జీతాల్లో కోత విధిస్తున్నట్లుగా ముఖ్యమంత్రి కేసీఆర్ ప్రకటించారు. దీనిపై ప్రతిపక్షాల నుంచి వ్యతిరేకత కూడా వ్యక్తమయింది. వారం రోజులకే రాష్ట్ర పరిస్థితి అంతగా దిగజారిందా అని టీపీసీసీ చీఫ్ ఉత్తమ్ విమర్శించారు. ఎంపీ రేవంత్, తెలంగాణ బీజేపీ అధ్యక్షుడు బండి సంజయ్ వంటి వారు కూడా వైద్యులు, పోలీసుల జీతాలు తగ్గించే నిర్ణయంపై పునరాలోచించాలని సీఎంకు లేఖలు రాశారు. కరోనా విపరీతంగా వ్యాపిస్తున్న ప్రస్తుత పరిస్థితుల్లో వైద్యులు, పోలీసులే నిర్విరామంగా పని చేస్తున్నారని, వారు తమ ప్రాణాలు లెక్క చేయకుండా విధుల్లో ఉన్నారని చెప్పారు. వారికి జీతాల్లో కోతలు విధించడం సరికాదని చెప్పారు.

Must Read: