ఆస్ట్రేలియా లెక్క సరిచేసిన భారత్.. వన్డే సిరీస్ 1-1తో సమం

Share Icons:
ఆస్ట్రేలియా చేతిలో తొలి వన్డే ఓటమికి భారత్ బదులు తీర్చుకుంది. రాజ్‌కోట్ వేదికగా శుక్రవారం జరిగిన రెండో వన్డేలో బ్యాటింగ్‌, బౌలింగ్‌తో పాటు ఫీల్డింగ్‌లోనూ అత్యుత్తమ ప్రదర్శన కనబర్చిన 36 పరుగుల తేడాతో కంగారూలను చిత్తుగా ఓడించేసింది. దీంతో.. మూడు వన్డేల సిరీస్‌ 1-1తో సమమవగా.. సిరీస్ విజేత నిర్ణయాత్మక ఆఖరి వన్డే మ్యాచ్ బెంగళూరు వేదికగా ఆదివారం మధ్యాహ్నం 1.30 గంటల నుంచి జరగనుంది.

మ్యాచ్‌లో ఓపెనర్ శిఖర్ ధావన్ (96: 90 బంతుల్లో 13×4, 1×6), కేఎల్ రాహుల్ (80: 52 బంతుల్లో 6×4, 3×6)తో పాటు కెప్టెన్ విరాట్ కోహ్లీ (78: 76 బంతుల్లో 6×4) నిలకడగా ఆడటంతో టాస్ ఓడి తొలుత బ్యాటింగ్ చేసిన భారత్ జట్టు 6 వికెట్ల నష్టానికి 340 పరుగులు చేయగలిగింది. ఆస్ట్రేలియా బౌలర్లలో ఆడమ్ జంపా మూడు వికెట్లు పడగొట్టగా.. కేన్ రిచర్డ్‌సన్ రెండు వికెట్లు తీశాడు.

Read More:

341 పరుగుల లక్ష్య ఛేదనలో ఓపెనర్లు డేవిడ్ వార్నర్ (15), అరోన్ ఫించ్ (33) నిరాశపరిచినా.. మాజీ కెప్టెన్ స్టీవ్‌స్మిత్ (98: 102 బంతుల్లో 9×4, 1×6) బాధ్యతాయుత ఇన్నింగ్స్‌ ఆడాడు. అతనికి మిడిల్ ఓవర్లలో లబుఛేంజ్(46: 47 బంతుల్లో 4×4) నుంచి సపోర్ట్ లభించడంతో ఆస్ట్రేలియా మరోసారి భారత్‌కి షాకిచ్చేలా కనిపించింది. కానీ.. రవీంద్ర జడేజా (2/58), కుల్దీప్ యాదవ్ (2/65) వరుస విరామాల్లో వికెట్లు తీయగా.. స్లాగ్ ఓవర్ల మహ్మద్ షమీ (3/77), నవదీప్ షైనీ (2/62) ఓకే ఓవర్‌లో రెండేసి వికెట్లు పడగొట్టి ఆస్ట్రేలియా ఓటమిని ఖాయం చేశారు. ఇన్నింగ్స్‌ ఆఖరి ఓవర్ వేసిన జస్‌ప్రీత్ బుమ్రా తొలి బంతికే ఆడమ్ జంపా (6)ని ఔట్ చేసి గెలుపు లాంఛనాన్ని పూర్తిచేశాడు.

Read More: