ఆస్ట్రేలియా దెబ్బకి కెప్టెన్ కోహ్లీ ఖాతాలో చెత్త రికార్డ్.. భారత్‌కి 15 ఏళ్లలో ఫస్ట్ టైమ్

Share Icons:
ఆస్ట్రేలియా దెబ్బకి భారత కెప్టెన్ ఖాతాలో చెత్త రికార్డ్ చేరింది. వాంఖడే వేదికగా మంగళవారం రాత్రి ముగిసిన తొలి వన్డే మ్యాచ్‌లో టీమిండియాని 10 వికెట్ల తేడాతో కంగారూలు చిత్తుగా ఓడించేసిన విషయం తెలిసిందే. గత 15ఏళ్లలో భారత్ జట్టు వన్డేల్లో ఇలా 10 వికెట్ల తేడాతో ఓడిపోవడం ఇదే తొలిసారికాగా.. ఆస్ట్రేలియా చేతిలో ఇలా టీమిండియా ఓడిపోవడం కూడా చరిత్రలో మొదటిసారి.

Read More:

వన్డేల్లో ఇప్పటి వరకూ ఐదు సార్లు మాత్రమే భారత్ జట్టు 10 వికెట్ల తేడాతో ఓడిపోయింది. 1981లో తొలిసారి న్యూజిలాండ్ చేతిలో 10 వికెట్ల తేడాతో పరాజయాన్ని చవిచూసిన టీమిండియా.. ఆ తర్వాత 1997లో వెస్టిండీస్, 2000లో దక్షిణాఫ్రికా, 2005లో మళ్లీ దక్షిణాఫ్రికాతో చేతిలో ఓడింది. తాజాగా వాంఖడే వన్డేలో ఆస్ట్రేలియా ఆ ఓటముల్ని గుర్తు చేసింది. మరోవైపు కెప్టెన్‌గా విరాట్ కోహ్లీకి కూడా 10 వికెట్ల తేడాతో పరాజయం ఎదురవడం ఇదే ఫస్ట్ టైమ్.


మూడు వన్డేల సిరీస్‌లో ప్రస్తుతం ఆస్ట్రేలియా 1-0తో ఆధిక్యంలో నిలవగా.. రెండో వన్డే మ్యాచ్ రాజ్‌కోట్ వేదికగా శుక్రవారం మధ్యాహ్నం 1.30 గంటల నుంచి జరగనుంది. ఈ మ్యాచ్‌లో గెలవడం ద్వారా సిరీస్‌ని సమం చేయాలని టీమిండియా ఉవ్విళ్లూరుతోంది.