ఆస్ట్రేలియాతో తొలి వన్డేలో.. ధావన్ 1K రికార్డ్

Share Icons:
ఆస్ట్రేలియాతో వాంఖడే వేదికగా జరుగుతున్న తొలి వన్డేలో భారత ఓపెనర్ అరుదైన రికార్డ్‌ని అందుకున్నాడు. మ్యాచ్‌లో టాస్ గెలిచిన ఆస్ట్రేలియా టీమ్ ఫీల్డింగ్ ఎంచుకోగా.. శిఖర్ ధావన్ (74: 91 బంతుల్లో 9×4, 1×6) హాఫ్ సెంచరీతో సత్తాచాటాడు. ఈ మ్యాచ్‌లో 74 పరుగులు చేయడం ద్వారా.. ఆస్ట్రేలియాపై వన్డేల్లో 1,000 పరుగులు చేసిన ఐదో భారత బ్యాట్స్‌మెన్‌గా ధావన్ నిలిచాడు.

ఆస్ట్రేలియాపై వన్డేల్లో ఇప్పటి వరకూ సచిన్ టెండూల్కర్, మహేంద్రసింగ్ ధోని, రోహిత్ శర్మ, విరాట్ కోహ్లీ మాత్రమే ఈ మార్క్‌ని అందుకోగా.. తాజాగా ఈ జాబితాలో శిఖర్ ధావన్ కూడా చేరాడు. వాస్తవానికి నాలుగు రోజుల ముందు వరకూ కూడా ఆస్ట్రేలియాతో తొలి వన్డేలో ఆడే తుది జట్టు రేసులో ధావన్ లేడు. కానీ.. శ్రీలంకతో గత శుక్రవారం జరిగిన ఆఖరి టీ20 మ్యాచ్‌లో హాఫ్ సెంచరీతో ఫామ్ అందుకున్న ఈ ఓపెనర్‌కి ఈరోజు తొలి వన్డేలో అవకాశం దక్కింది.

మ్యాచ్‌లో ఓపెనర్ రోహిత్ శర్మ (10) ఆరంభంలోనే ఔటవగా.. అనంతరం వచ్చిన కేఎల్ రాహుల్‌ (47)తో కలిసి దూకుడుగా ఆడిన శిఖర్ ధావన్.. రెండో వికెట్‌కి 121 పరుగుల భాగస్వామ్యం నెలకొల్పాడు. అయితే.. సెంచరీ చేసేలా కనిపించిన ధావన్.. కమిన్స్ బౌలింగ్‌లో భారీ షాట్ ఆడబోయి వికెట్ చేజార్చుకున్నాడు.