‘ఆకాశవాణి’ మోషన్ పోస్టర్ రిలీజ్ చేసిన దగ్గుబాటి రానా.. ఆస‌క్తిని రేకెత్తిస్తున్న ఇంట్రెస్టింగ్ లుక్

Share Icons:
టాలీవుడ్ నుంచి మరో ఇంట్రెస్టింగ్ మూవీ రాబోతోంది. ” పేరుతో ఆ నాటి రోజులను, ఆ సంబరాలను గుర్తుచేసేలా కొత్త సినిమా రూపొందుతోంది. ఒక‌ప్పుడు అంద‌రికీ ప్ర‌ధాన వినోద సాధనంగా ఉన్న ‘ఆకాశవాణి’ ఇప్పుడు వెండితెరపై దర్శనమివ్వబోతోంది. దర్శ‌క‌ధీరుడు ఎస్‌.ఎస్‌.రాజ‌మౌళి ద‌గ్గ‌ర ద‌ర్శ‌క‌త్వ శాఖ‌లో ప‌నిచేసిన అశ్విన్ గంగ‌రాజు ఈ చిత్రానికి దర్శకత్వం వహిస్తుండగా.. ప్ర‌ముఖ సంగీత ద‌ర్శ‌కుడు ఎం.ఎం.కీర‌వాణి త‌న‌యుడు, సింగ‌ర్ కాల‌భైర‌వ మ్యూజిక్ అందిస్తున్నారు. ఏయు అండ్ ఐ స్టూడియోస్ బ్యాన‌ర్‌పై ప‌ద్మ‌నాభ‌రెడ్డి ఈ చిత్రాన్ని నిర్మిస్తున్నారు.

తాజాగా ‘ఆకాశవాణి’ మూవీ ఫ‌స్ట్ లుక్‌, మోష‌న్ పోస్ట‌ర్‌ను రిలీజ్ చేశారు. హీరో రానా ద‌గ్గుబాటి త‌న ట్విట్ట‌ర్ ద్వారా ఈ మోషన్ పోస్టర్ రిలీజ్ చేస్తూ ‘ఆకాశవాణి’ యూనిట్‌కు ప్రత్యేక శుభాకాంక్షలు తెలిపారు. ఈ చిత్రం కోసం అద్భుత‌మైన టీమ్ ప‌ని చేసింద‌ని ఆయన పేర్కొన్నారు. కేవలం ఓ చెట్టు, దానికి వేలాడదీసిన రేడియో బ్యాక్ గ్రౌండ్ మ్యూజిక్ తోనే ఈ మోషన్ పోస్టర్ కట్ చేసి ప్రేక్షకలోకాన్ని ఆకట్టుకున్నారు మేకర్స్.

Also Read:
ఈ లుక్, మోషన్ పోస్టర్ చూస్తుంటే టాలీవుడ్ నుంచి మరో డిఫరెంట్ కాన్సెప్ట్ మూవీ రాబోతోందని స్పష్టంగా తెలుస్తోంది. అప్పట్లో రేడియో ద్వారా పొందిన శ్రోతలు పొందిన ఆనందం.. ప‌ల్లెటూరికి, ఆకాశ‌వాణికి ఉన్న లింక్ చూపిస్తూ ఈ మూవీ రూపొందించారని అర్థమవుతోంది. ఈ చిత్రానికి ప్రముఖ ర‌చ‌యిత సాయిమాధ‌వ్ బుర్రా సంభాష‌ణ‌లు రాయగా, సురేశ్ ర‌గుతు సినిమాటోగ్ర‌ఫీ అందిస్తున్నారు. జాతీయ అవార్డ్ గ్ర‌హీత శ్రీక‌ర్ ప్ర‌సాద్ ఎడిట‌ర్‌గా పని చేస్తున్నారు. అతి త్వరలో ఈ సినిమాను ప్రేక్షకుల ముందుంచనున్నారు.