‘అల’ 6 డేస్ కలెక్షన్స్ పోస్టర్.. ‘సరిలేరు’ని దాటించారుగా

Share Icons:
టాలీవుడ్‌లో కొత్త ట్రెండ్ ఈ సంక్రాంతి నుండే మొదలైంది. గతంలో సినిమా హిట్టా.. ఫట్టా అన్నది సినిమా ఆడిన రోజుల్ని బట్టి లెక్కలు కట్టేవారు. అంటే.. యాభై, వంద, నూట యాభై, రెండొందలు, సంవత్సరం ఇలా రోజులను బట్టి అన్నమాట. అయితే ఈ మధ్య కాలంలో ఫిఫ్టీ డేస్ పోస్టర్ పడటమే గగనంలా మారింది. దీంతో సినిమాకి వచ్చిన కలెక్షన్లను బట్టే సినిమా రిజల్ట్‌ డిసైడ్ అవుతోంది. బాహుబలి సినిమా తరువాత ఈ కలెక్షన్ల హడావిడి మరీ ఎక్కువైంది.

ఇక ఈ సంక్రాంతి కానుకగా విడుదలైన ‘సరిలేరు నీకెవ్వరు’, ‘అల.. వైకుంఠపురములో’ చిత్రాల మధ్య కలెక్షన్ల పోరు నడుస్తోంది. రిలీజ్ సమయంలో థియేటర్స్ కోసం రేగిన చిచ్చు కలెక్షన్లతో వైరంగా మారింది.

లెక్క ఎక్కువైనా పర్లేదు తక్కువ కాకుండా చూసుకో అన్న పద్దతిలో ఈ రెండు సినిమాలు పోటీ పోటీగా కలెక్షన్ల పోస్టర్స్‌ని విడుదల చేస్తున్నారు. అసలే ఈ కలెక్షన్లు నిజమా అబద్ధమా? అన్న సందేహంలో ప్రేక్షకులు ఉంటే.. వాళ్ల అనుమానాలకు బలం చేకూరేలా ఒకర్ని మించి ఒకరు పోస్టర్స్ విడుదల చేస్తున్నారు.

మొత్తానికి తొలివారానికి సంబంధించి ‘సరిలేరు నీకెవ్వరు’ చిత్రం 100 ప్లస్ షేర్ సాధించినట్టుగా పోస్టర్ విడుదల చేశారు చిత్రయూనిట్. ఇక ఈ ఫిగర్‌ని మించి మా సినిమా ఆరు రోజుల్లోనే 104 ప్లస్ షేర్ కలెక్షన్లు సాధించింది అంటూ నేడు ‘అల.. వైకుంఠపురములో’ చిత్ర యూనిట్ పోస్టర్ విడుదల చేసింది. మొత్తానికి ఈ కలెక్షన్లు నిజమా.. లేక ఫేకా అన్నది మాత్రం బ్రహ్మ పదార్థంలాగే ఉంది.