‘అనుష్క బౌలింగ్‌నే కోహ్లి ఎదుర్కొన్నాడు’.. నా వ్యాఖ్యల్లో తప్పేముంది?: సునీల్ గావస్కర్

Share Icons:
విరాట్ కోహ్లీని తాను విమర్శించలేదని, అతడి సతీమణి పట్ల అభ్యంతరకర వ్యాఖ్యలు చేయలేదని దిగ్గజ క్రికెటర్, కామెంటేటర్ స్పష్టం చేశారు. గురువారం రాత్రి జరిగిన మ్యాచ్‌లో విరాట్ నాయకత్వంలోని బెంగళూరు జట్టును కింగ్స్ ఎలెవన్ పంజాబ్‌తో 97 రన్స్ తేడాతో ఓడించిన విషయం విదితమే. ఈ మ్యాచ్‌లో రాహుల్ ఇచ్చిన రెండు క్యాచ్‌లను జారవిడిచిన కోహ్లి.. బ్యాటింగ్‌లోనూ ఐదు బంతులు ఆడి ఒక్క పరుగు మాత్రమే చేసి ఔటయ్యాడు.

కోహ్లి విఫలం కావడం పట్ల ఐపీఎల్ హిందీ కామెంటేటర్‌గా వ్యవహరిస్తోన్న సునీల్ గావస్కర్ చేసిన వ్యాఖ్యలు వివాదాస్పదం అయ్యాయి. ‘లాక్‌డౌన్ సమయంలో అనుష్క శర్మ (బంతులను) బౌలింగ్‌ను మాత్రమే కోహ్లి ఎదుర్కొన్నాడు’ అని గావస్కర్ కామెంట్ చేశారు. సన్నీ వ్యాఖ్యల పట్ల అభ్యంతరం వ్యక్తం చేస్తూ.. అనుష్క శర్మ ఇన్‌స్టాగ్రామ్‌లో స్పందించడంతో వివాదం మరింత ముదిరింది. ఈ విషయంలో కొందరు అనుష్కకు సపోర్ట్ చేయగా.. మరి కొందరు గావస్కర్ వ్యాఖ్యల్లో తప్పేం లేదని దిగ్గజ క్రికెటర్‌ను వెనుకేసుకొచ్చారు.

తన కామెంట్స్ పట్ల అనుష్క శర్మ అభ్యంతరం వ్యక్తం చేసిన నేపథ్యంలో సునీల్ గావస్కర్ వివరణ ఇచ్చారు. లాక్‌డౌన్ సమయంలో , అనుష్క శర్మ దంపతులు ఇంటి ప్రాంగణంలో క్రికెట్ ఆడటం గురించి తాను మాట్లాడానని.. ఇందులో తప్పేముందని సునీల్ గావస్కర్ ప్రశ్నించారు.

‘మీరు కామెంట్రీ విని ఉంటే… ఆకాశ్ చోప్రా, నేను హిందీ ఛానెల్‌క కామెంట్రీ చేస్తున్నాం. క్రికెటర్లు ప్రాక్టీస్ చేయడానికి చాలా తక్కువ అవకాశం ఉందని ఆకాశ్ మాట్లాడాడు. ప్రాక్టీస్ సరిగా లేని ప్రభావం తొలి మ్యాచ్‌ల్లో ఆటగాళ్లలో కనిపించింది. తొలి మ్యాచ్‌లో రోహిత్ బంతిని సరిగా కొట్టలేకపోయాడు. ధోనీ, కోహ్లి కూడా బంతిని సరిగా ఆడలేకపోయారు. చాలా మంది బ్యాట్స్‌మెన్ ప్రాక్టీస్ లేమితో ఇబ్బంది పడుతున్నారు’ సన్నీ తెలిపాడు.

‘‘ఆ పాయింట్ విషయమై మాట్లాడాను. విరాట్ కోహ్లికి కూడా మ్యాచ్ ప్రాక్టీస్ లేదు. బిల్డింగ్ కాంపౌండ్‌లో అనుష్క శర్మ బౌలింగ్ చేస్తుంటే.. కోహ్లి ఆడాడు. అది మాత్రమే విరాట్ మ్యాచ్ ప్రాక్టీస్. నేను దాని గురించే మాట్లాడాను. అదొక్కటే బౌలింగ్.. నేను మరో పదం వాడలేదు. ఆమె (అనుష్క) అతడికి (కోహ్లికి) బౌలింగ్ చేసింది. నేను తన గురించి ఎక్కడ తప్పుగా మాట్లాడాను?ఈ విషయంలో నేను సెక్సియెస్ట్ ఎలా అవుతాను? వీడియోలో చూసిన దాని గురించే నేను మాట్లాడాను. అది మాత్రమే నేను చేసింది’’ అని సన్నీ తన వ్యాఖ్యలను సమర్థించుకున్నారు.

‘నేను అనుచితంగా మాట్లాడలేదు, లాక్‌డౌన్ సమయంలో విరాట్ కోహ్లి సహా ఎవరికే ప్రాక్టీస్ లేదని చెప్పేందుకే ప్రయత్నించానని సన్నీ చెప్పారు. నేను అనుష్క గురించి తప్పుగా మాట్లాడలేదు. వీడియోలో ఉన్నట్లుగా.. కోహ్లికి అనుష్క బౌలింగ్ చేయడాన్ని మాత్రమే ప్రస్తావించాను’ గవాస్కర్ తెలిపారు.

అనుష్క శర్మ పోస్టు ఇది..
‘మిస్టర్ గావస్కర్ మీ వ్యాఖ్యలు గవాస్కర్ మీ వ్యాఖ్యలు అభ్యంతరకంగా ఉన్నాయి. భర్త ఆటకు భార్యపై ఎలా ఆరోపణలు చేస్తారు? చాలా ఏళ్లుగా క్రికెట్ కామెంట్రీ చెబుతున్న మీరు… ఆటగాళ్ల వ్యక్తిగత జీవితాన్ని గౌరవించి ఉంటారు. నాకు, కోహ్లికి కూడా ఇలాగే గౌరవం ఇవ్వాలని మీరు భావించలేదా? నా భర్త ఆటతీరు గురించి మాట్లాడానికి మీ మనసులో మరెన్నో పదాలు ఉంటాయని తెలుసు. నా గురించే ఎందుకు ప్రస్తావించారు?

ఇది 2020 కానీ నా విషయంలో మాత్రం మారలేదు. క్రికెట్ విషయంలో నన్ను లాగడం ఎప్పుడు మానుకుంటారు. నాపై అభ్యంతర కామెంట్లు చేయడం ఎప్పుడు వదిలేస్తారు. గౌరవనీయులైన గావస్కర్… మీరో లెజెండ్.. క్రికెట్లో మీరెంతో ఖ్యాతిని ఆర్జించారు. మీరు ఇలా చెప్పడం వినగానే నాకు ఎలా అనిపించిందో చెప్పాలనుకున్నా’’ అని అనుష్క శర్మ ఇన్‌స్టాగ్రామ్ స్టోరీ ద్వారా ఆవేదన వ్యక్తం చేశారు.